ലഹരി വിമുക്തി ആഗ്രഹിക്കുന്ന ചെറുപ്പക്കാര്‍ക്ക് എതിരായ ലഹരി മരുന്ന് കേസുകളില്‍ തുടര്‍ നടപടി അവസാനിപ്പിക്കാനൊരുങ്ങി എക്‌സൈസ് വകുപ്പ്...
ലഹരി വിമുക്തി ആഗ്രഹിക്കുന്ന ചെറുപ്പക്കാര്‍ക്ക് എതിരായ ലഹരി മരുന്ന് കേസുകളില്‍ തുടര്‍ നടപടി അവസാനിപ്പിക്കാനൊരുങ്ങി എക്‌സൈസ് വകുപ്പ്... പ്രായത്തിന്റെ ആനുകൂല്യം വച്ച് ഒരവസരം കൂടി നല്‍കാന്‍ ഉദ്ദേശിച്ചാണ് എക്‌സൈസ് കമ്മീഷണറുടെ നടപടി. ഒരു വര്‍ഷം വരെ തടവു ശിക്ഷ ലഭിക്കാവുന്ന കേസുകളില്‍ പെടുന്ന ചെറുപ്പക്കാര്‍ക്കാണ് ഇളവ്.
ലഹരി മരുന്ന് കേസില്‍ പെട്ടാല്‍ പിന്നെ ജീവിതം തീര്‍ന്നു. അത്ര കര്‍ശനമാണിപ്പോള്‍ നിയമങ്ങള്‍. ഇതില്‍ തന്നെ ചെറിയ അളവെന്നോ വന്‍ ലഹരി ഇടപാടെന്നോ വ്യത്യാസവുമില്ല. ചെറിയ അളവില്‍ ലഹരി വസ്തുവുമായി ഒരു യുവാവിനെ പിടികൂടിയാല്‍ വൈദ്യപരിശോധിക്കു വിധേയനാക്കും.
ഇയാള്‍ ലഹരിക്കടിയാണെന്ന് വ്യക്തമായാല്‍ രണ്ടു വകുപ്പുകള്‍ പ്രകാരം കേസെടുക്കും. ലഹരിവസ്തു കൈവശം വച്ചതിനും മയക്കുമരുന്നു ഉപയോഗിച്ചതിനും കേസെടുത്ത് കുറ്റപത്രം നല്‍കി കോടതി നടപടികളിലേക്ക് നീങ്ങുകയാണ് നിലവുലള്ള രീതി. ഇതിലാണ് ഇപ്പോള്‍ നേരിയ ഭേദഗതി.
എന്‍.ടി.പി.എസ് നിയമത്തിലെ 64 പ്രകാരം ചെറുപ്പക്കാര്‍ ലഹരി വിമുക്തി നേടാനായി തയ്യാറാണെങ്കില്‍ ബോണ്ട് വച്ച് അവരെ നല്ല നടപ്പിന് വിടാനുള്ള വ്യവസ്ഥയുണ്ട്. എന്നാല്‍ കേരളത്തില്‍ ഇത് നടപ്പാക്കുന്നില്ല.
25 വയസ്സില്‍ താഴെ പ്രായമുള്ള ചെറുപ്പക്കാരെങ്കില്‍ കേസില്‍ കുരുക്കി ജീവിതം തീര്‍ത്ത് കളയാതിരിക്കാനാണ് കമ്മീഷണറുടെ നടപടി. ആറു മാസം മുതല്‍ ഒരു വര്‍ഷം വരെ ശിക്ഷ ലഭിക്കുന്ന കുറ്റകൃത്യത്തില്‍ പെടുന്ന ചെറുപ്പക്കാര്‍ക്ക് ഒരു അവസരം കൂടി നല്‍കും. കാര്യമത്ര എളുപ്പമല്ല.
കേസ് അവസാനിപ്പിക്കാന്‍ കടുത്ത നിബന്ധനയുണ്ട്. സ്വമേധയാ ലഹരി ചികിത്സക്ക് വിധേയനാകണം.
എക്‌സൈസ് ഉദ്യോഗസ്ഥര്‍ ചികിത്സക്ക് മുന്‍കയ്യെടുക്കും. പൂര്‍ണമായും ലഹരിവിമുക്തനായെന്ന് വിമുക്തി ജില്ലാ മാനേജറുടെ റിപ്പോര്‍ട്ട് കിട്ടിയാല്‍ പ്രോസിക്യൂഷന്‍ നടപടികള്‍ അവാസാനിപ്പിക്കണം.
ചികിത്സ പൂര്‍ത്തിയാകാതെ കേസില്‍ പ്രതിയാകുന്ന ചെറുപ്പക്കാര്‍ ആശുപത്രി വിട്ടു പോവുകയോ, ലഹരി വിമുക്തനായശേഷം കേസില്‍പ്പെടുകയോ ചെയ്തതാല്‍ ഇയാള്‍ക്കെതിരായ നടപടി തുടരാനും എകൈസ്സ കമ്മീഷണറുടെ ഉത്തരവില്‍ പറയുന്നുണ്ട്.
"
https://www.facebook.com/Malayalivartha
