ജാമ്യം കിട്ടി പുറത്തിറങ്ങിയ ശേഷം കുറച്ച് മാസങ്ങൾ മാത്രമാണ് സ്വപ്‍ന കേരളത്തിൽ നിന്നത്. ഈ ഇടയ്ക്കു സ്വപ്‍ന ബാംഗ്ലൂരിലേക്ക് താമസം മാറിയിരുന്നു. എന്ത് കൊണ്ടാണ് താൻ ബാംഗ്ലൂരിലേക്ക് മാറി പോയത് എന്നതിനെ കുറിച്ച് ഒരു പ്രമുഖ മാധ്യമത്തോട് വെളിപ്പെടുത്തിയിരിക്കുകയാണ് സ്വപ്ന. ബാംഗ്ലൂരിലേക്ക് താമസം മാറി പോകണം എന്ന് ചിന്തിക്കാൻ കാരണം കേരളത്തിൽ സുരക്ഷിതമല്ലാത്തത് കൊണ്ടാണ്. കാരണം എത്ര നാൾ പോലീസിന്റെ സംരക്ഷണത്തിൽ ജീവിക്കും എന്ന് അറിയില്ല. അതുകൊണ്ടാണ് ബാംഗ്ലൂരിലേക്ക് സുരക്ഷിതമായി മാറാമെന്ന് കരുതിയത്. ആരും ജോലി തരുന്നില്ല. ആരും വീടു തരുന്നില്ല.

എല്ലാ ആൾക്കാർക്കും ഇപ്പോൾ തന്നെ തിരിച്ചറിയാൻ സാധിക്കുന്നുണ്ട്. ഓരോ ആൾക്കാർ തന്നെ ഏത് അർത്ഥത്തിലാണ് നോക്കുന്നത് എന്നത് എനിക്ക് ഒരു വേദനയാണ്. അതിൽ എനിക്ക് ദുഃഖമുണ്ട്. ചിലർ നോക്കുന്നത് കാണുമ്പോൾ വിഷമമാകും. മാനസികമായുള്ള ചൂഷണത്തിലൂടെ കടന്നു പോകുന്നുണ്ട്. മോനെ സ്കൂളിൽ ആക്കാൻ എനിക്ക് പോകാൻ പറ്റത്തില്ല.കാരണം മകൻ സ്വപ്ന സുരേഷിന്റെ കുഞ്ഞാണ് എന്ന് മറ്റുള്ളവർ അറിഞ്ഞാൽ അവൻ എന്തൊക്കെ നേരിടേണ്ടി വരും എന്ന കാര്യത്തിൽ എനിക്ക് ആശങ്കയുണ്ട്.

സ്വാതന്ത്ര്യമില്ല. വെല്ലുവിളികളുണ്ട്. അങ്ങനെ ഒരുപാട് കാര്യങ്ങൾ ഉള്ളതുകൊണ്ടാണ് ബാംഗ്ലൂരിലേക്ക് മാറിപ്പോയത്. മുഖ്യമന്ത്രി മുഖ്യമന്ത്രിയായി തുടരുന്ന അത്രയും കാലം പോലീസ് അദ്ദേഹത്തിന്റെ അടിമയാണ് എന്നാരോപണവും സ്വപ്ന ഉന്നയിച്ചു. . എന്റെ കൂടെ ജോലി ചെയ്ത ആൾക്ക് എതിരെ കേസെടുത്തു എന്റെ വക്കീലിനെതിരെ കേസെടുത്തു. എന്റെ വീട്ടിൽ നിന്ന സരിത്തിനെ പട്ടാപ്പകൽ തട്ടിക്കൊണ്ടുപോയി. ഇത്തരത്തിൽ തേർഡ് റേറ്റ് കളികൾ കളിക്കുന്ന മുഖ്യമന്ത്രിയുടെ കേരളത്തിൽ നിൽക്കാൻ എനിക്ക് മാനസികമായ ബുദ്ധിമുട്ടുള്ളതുകൊണ്ടാണ് താൻ ബാംഗ്ലൂരിലേക്ക് പോയ തെന്നും സ്വപ്ന സുരേഷ് തുറന്നടിച്ചിരിക്കുകയാണ്.