പ്രിയങ്ക ഗാന്ധിയെ കണ്ടപ്പോൾ കൗതുകത്താൽ കണ്ണിലെ കൃഷ്ണമണി തുറിച്ചു നിൽക്കുന്ന മാധ്യമ പ്രവർത്തകയുടെ മുഖവും, ഇന്ന് രാഹുൽ ഗാന്ധിയെ ബോഡി ഷേമിങ്ങിന് തുല്യമായി പരിഹസിച്ച മാധ്യമ പ്രവർത്തകയുടെ മുഖത്തിനുമുള്ളത് കേവല ചായ കാച്ചൽ മാത്രമല്ല, അത് രണ്ടും ഒന്ന് തന്നെയാണ്. സിന്ധു സൂര്യകുമാറെ വിമർശിച്ച് രാഹുൽ മാങ്കൂട്ടത്തിൽ. അദ്ദേഹത്തിന്റെ വാക്കുകൾ ഇങ്ങനെ;

ശ്രീമതി സിന്ധു സൂര്യകുമാർ, "ചായ കാച്ചുന്ന" കുക്കറി ഷോ ആകരുത് 'കവർ' ചെയ്യുന്ന 'സ്റ്റോറി', അത് കാമ്പുള്ള രാഷ്ട്രീയമായിരിക്കണം പറയുന്നത്. പ്രിയങ്ക ഗാന്ധിയെ കണ്ടപ്പോൾ കൗതുകത്താൽ കണ്ണിലെ കൃഷ്ണമണി തുറിച്ചു നിൽക്കുന്ന മാധ്യമ പ്രവർത്തകയുടെ മുഖവും, ഇന്ന് രാഹുൽ ഗാന്ധിയെ ബോഡി ഷേമിങ്ങിന് തുല്യമായി പരിഹസിച്ച മാധ്യമ പ്രവർത്തകയുടെ മുഖത്തിനുമുള്ളത് കേവല ചായ കാച്ചൽ മാത്രമല്ല, അത് രണ്ടും ഒന്ന് തന്നെയാണ്. 

ആയിരം കിലോമീറ്റർ നടന്ന് പ്രഭാതവും പ്രദോഷവും റോഡിനിരുവശവും തന്നെ കാത്തിരിക്കുന്ന ജനങ്ങളെ കണ്ടും തൊട്ടും നടക്കുന്ന ഒരു നേതാവിന്റെ രാഷ്ട്രീയത്തെ വിലയിരുത്താതെ മുഖത്തെയും രൂപത്തേയും വിലയിരുത്തുന്ന നിങ്ങളുടെ ഫേസ്ബുക്ക് ഹാൻഡിൽ എത്ര വലിയ അരാഷ്ട്രീയമാണ് മുന്നോട്ട് വക്കുന്നത്.

എന്നിട്ടും നിങ്ങൾ എടുക്കുന്ന പൊളിട്ടിക്കൽ കറക്ഷന്റെ ക്ലാസ്സുകൾക്ക് എന്ത് ആത്മാർത്ഥതയാണുളളത്. നിങ്ങൾക്ക് വിമർശിക്കാം, വിലയിരുത്താം, കോൺഗ്രസ്സ് വിരുദ്ധതയും, രാഹുൽ വിരുദ്ധതയും പ്രചരിപ്പിക്കാം അതൊക്കെ നിങ്ങളുടെ സ്വാതന്ത്ര്യം. പക്ഷേ രാഹുൽ ഗാന്ധിയുടെ താടിയിൽ രോമം വളരുമ്പോൾ നിങ്ങൾക്ക് ചൊറിയുന്നതെന്തിനാണ് ?