കാസർ​ഗോഡ് തെരുവുനായയുടെ ആക്രമണത്തിൽ ഏ​ഴു​പേ​ർ​ക്ക് പരിക്കേറ്റു. ചെ​റു​വ​ത്തൂ​ർ കാ​ടു​വ​ക്കാ​ട്ടെ മാ​ധ​വി​ക്കാ​ണ് ആ​ദ്യം ക​ടി​യേ​റ്റ​ത്. തു​ട​ർ​ന്ന്, അ​തേ നാ​യ മ​ഞ്ഞ​ത്തൂ​ർ, എ​ര​വി​ൽ, പു​ത്തി​ലോ​ട്ട് പ്ര​ദേ​ശ​ത്തെ ആ​റുപേ​രെ​യും ക​ടി​ച്ചു. ഇ​വ​രെ കാ​ഞ്ഞ​ങ്ങാ​ട്ടെ ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

അതേസമയം കഴിഞ്ഞ ദിവസം ഇടുക്കിയിൽ തെരുവ് നായ നാല് പേരെ ആക്രമിച്ചു. കട്ടപ്പന നിർമ്മലാ സിറ്റി പള്ളിപ്പടി മേഖലയിലാണ് തെരുവ് നായയുടെ ആക്രമണം. പരിക്കേറ്റവർ ഇടുക്കി മെഡിക്കൽ കോളേജിൽ ചികിത്സ തേടി. കഴിഞ്ഞ 3 ദിവസത്തിനിടയിൽ ഹൈറേഞ്ചിൽ പത്ത് പേർക്ക് നേരെയാണ് നായയുടെ ആക്രമണം ഉണ്ടായത്.2 സ്ത്രീകൾക്കും 2 പുരുഷൻമാർക്കും കടിയേറ്റു..

പ്രദേശവാസികളായ ചിന്നമ്മ കല്ലുമാലിൽ, മേരി കുന്നേൽ, ബാബു മുതുപ്ലാക്കൽ, സണ്ണി തഴയ്ക്കൽ എന്നിവർക്കാണ് പരിക്കേറ്റത്. ഇവർ നാല് പേരും ഇടുക്കി മെഡിക്കൽ കോളേജിൽ ചികിത്സ തേടി. കഴിഞ്ഞ 3 ദിവസത്തിനിടയിൽ ഹൈറേഞ്ചിൽ പത്ത് പേരെയാണ് തെരുവ് നായ ആക്രമിച്ചത്. കാഞ്ചിയാർ മേഖലയിൽ മാത്രം ആറ് പേരെ നായ ആക്രമിച്ചിരുന്നു. ഇതിന് പിന്നാലെയാണ് നിർമ്മലാസിറ്റിയിലും തെരുവ് നായ്ക്കൾ ഭീതി പരത്തുന്നത്.