കഴിഞ്ഞ ദിവസം ഗവർണർ തന്റെ നിലപാടുകളും തനിക്ക് പറയാനുള്ള പരാതികളും ആരോപണങ്ങളും എല്ലാം ഒരു മാധ്യമത്തോട് പങ്കുവെച്ചിരുന്നു. അതായത് മന്ത്രിമാർ രാജ്ഭവനിലേക്ക് എത്തുന്നതിനു മുന്നേയായിരുന്നു അദ്ദേഹത്തിന്റെ ഈ പ്രതികരണം. മുഖ്യമന്ത്രിക്കെതിരെ അദ്ദേഹം കർശന ആരോപണം അഴിച്ച് വിട്ടു. ഭരണപരമായ കാര്യങ്ങള്‍ തന്നോട് വിശദീകരിക്കേണ്ടത് മുഖ്യമന്ത്രിയുടെ ഭരണഘടനാ ബാധ്യതയാണെന്നും അത് മുഖ്യമന്ത്രി നിര്‍വഹിക്കുന്നില്ലെന്നും ഗവര്‍ണര്‍ കുറ്റപ്പെടുത്തി.

മന്ത്രിമാർ തന്നോട് നേരിട്ട് വിശദീകരിക്കേണ്ട ചില കാര്യങ്ങളുണ്ട് അതൊന്നും അവർ ചെയ്യുന്നില്ല. തന്നെ കാണേണ്ടത് രാജ്ഭവനിൽ വന്നാണ് അല്ലാതെ എറണാകുളത്ത് ആയിരിക്കുമ്പോൾ തന്നെ കാണാൻ ശ്രമിക്കുകയല്ല വേണ്ടത് എന്നും ഗവർണർ മന്ത്രിമാർക്ക് എതിരെ ആരോപിച്ചിരുന്നു. മന്ത്രി ആർ ബിന്ദു അടക്കമുള്ള ചിലർ എറണാകുളത്ത് ഗവർണറായിരുന്നപ്പോൾ അദ്ദേഹത്തെ കാണാൻ ശ്രമിച്ചിരുന്നു ഇതിനെതിരെയാണ് അദ്ദേഹം വിമർശനം ഉന്നയിച്ചത്.

മാത്രമല്ല തന്നെ കാണേണ്ടവർ തന്നെ കാണണമെന്നും തന്നെ രാജ്ഭവനിൽ എത്തി തന്നെ കാണണമെന്നും ഗവർണർ കർക്കശമായി പറഞ്ഞിരിക്കുകയാണ്. അതായത് അദ്ദേഹം തന്റെ പ്രതികരണത്തിലൂടെ അറിയിക്കുന്നത് മന്ത്രിമാർ ചെയ്യേണ്ട ഈ കാര്യങ്ങൾ ഒന്നും അവർ ചെയ്യുന്നില്ലെന്നും മുഖ്യമന്ത്രി പോലും തന്നെ കാണാൻ ശ്രമിക്കുന്നില്ല എന്നുള്ള ഒരു ഗുരുതര ആരോപണമാണ് അദ്ദേഹം ഉന്നയിച്ചിരിക്കുന്നത്. എന്തായാലും നേരത്തെ ഒരു അയവിന്റെ പാതയിൽ ആയിരുന്നു ഗവർണർ. പക്ഷേ കഴിഞ്ഞ ദിവസത്തെ ആരോപണങ്ങളിലൂടെ തന്റെ നിലപാടുകൾക്ക് മാറ്റം വന്നു സംഭവിച്ചിട്ടില്ല എന്ന് തന്നെ മനസ്സിലാക്കാൻ സാധിക്കുന്നുണ്ട്.

മന്ത്രിമാരുടെ വിശദീകരണം നോക്കിയാകും തന്റെ തീരുമാനങ്ങള്‍ ഉണ്ടാവുക. സത്യപ്രതിജ്ഞ ചെയ്യുന്നത് ഭരണഘടനയോടും നിയമ വ്യവസ്ഥയോടും കൂറ് പുലര്‍ത്താനാണ്. അത് നടപ്പാക്കുന്നു എന്ന് ഉറപ്പു വരുത്താനായി താന്‍ സദാ ജാഗരൂകന്‍ ആയിരിക്കുകയും ചെയ്യുംമെന്നും അദ്ദേഹം പറഞ്ഞു. ചാന്‍സിലറായി ഇരിക്കണമെന്ന് മുഖ്യമന്ത്രി തന്നെ കത്ത് നല്‍കിയതാണ്. കുറച്ച് ബില്ലുകളില്‍ ഒപ്പുവക്കാനുണ്ട്. ബില്ലുകളില്‍ ഇനിയും വ്യക്തത വരുത്താനുണ്ടെന്നും ഭരണഘടനാപരമായി മാത്രമേ പ്രവര്‍ത്തിക്കൂകയുള്ളൂവെന്നും വ്യക്തമാക്കിയിരിക്കുകയാണ് ഗവര്‍ണര്‍.