വര്ക്കല പുന്നമൂട് ഐഐടിക്ക് സമീപം പുരയിടത്തില് തീ പടരുന്നതായി നാട്ടുകാര് വിവരം അറിയിച്ചതിനെ തുടര്ന്ന് ഫയര്ഫോഴ്സ് ജീവനക്കാരന് തീ അണയ്ക്കാന് എത്തിയപ്പോള് കണ്ടത് പൊള്ളലേറ്റ് കിടക്കുന്ന അച്ഛനെ.... ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല
വര്ക്കല പുന്നമൂട് ഐഐടിക്ക് സമീപം പുരയിടത്തില് തീ പടരുന്നതായി നാട്ടുകാര് വിവരം അറിയിച്ചതിനെ തുടര്ന്ന് ഫയര്ഫോഴ്സ് ജീവനക്കാരന് തീ അണയ്ക്കാന് എത്തിയപ്പോള് കണ്ടത് പൊള്ളലേറ്റ് കിടക്കുന്ന അച്ഛനെ.... ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. വര്ക്കല പുന്നമൂട് സ്വദേശി വിക്രമന് നായരാണ് (74) പൊള്ളലേറ്റ് മരിച്ചത്.
ഇന്നലെ രാവിലെ 11 മണിയോടെ വര്ക്കല പുന്നമൂട് ഐഐടിക്ക് സമീപം പുരയിടത്തില് തീ പടരുന്നതായി നാട്ടുകാര് വിവരം അറിയിച്ചത് അനുസരിച്ചാണ് അഗ്നിശമന സേന സ്ഥലത്ത് എത്തിയത്.
തീ കെടുത്തുന്നതിനിടയിലാണ് ഫയര്മാന് വിഷ്ണു പുരയിടത്തിലെ മാവിന്റെ ചുവട്ടില് തന്റെ പിതാവ് വിക്രമന് നായരെ പൊള്ളലേറ്റ നിലയില് കാണുന്നത്. മുഖവും കാലും ഉള്പ്പെടെ ശരീരമാസകലം പൊള്ളലേറ്റിരുന്നു. ഉടന് ഇദ്ദേഹത്തെ 108 ആംബുലന്സില് തിരുവനന്തപുരം മെഡിക്കല് കോളജ് ആശുപത്രിലേക്ക് എത്തിച്ചു. ആന്തരികാവയവങ്ങള്ക്ക് പൊള്ളലേറ്റ വിക്രമന് നായര്ക്ക് രാത്രി എട്ട് മണിയോടെ ജീവന് നഷ്ടമായി.
ഇദ്ദേഹം രാവിലെ പുരയിടത്തിന്റെ റോഡ് ഭാഗം വൃത്തിയാക്കി തീ ഇടുകയായിരുന്നെന്നാണ് നാട്ടുകാര് പറയുന്നത്. റോഡരികില് കൂട്ടിയിട്ട പുല്ലില് തീ ഇടുകയും ഇത് പുരയിടത്തിലെ പുല്ലിലേക്ക് പടരുകയുമായിരുന്നു. ഇതിനിടയില് അബദ്ധത്തില് അകപ്പെട്ട് പോവുകയോ ബോധരഹിതനാവുകയോ ചെയ്തതായിരിക്കാമെന്നാണ് ഫയര്ഫോഴ്സിന്റെ നിഗമനത്തിലുളളത്.
https://www.facebook.com/Malayalivartha