സംസ്ഥാനത്ത് കനത്ത മഴ തുടരുന്ന സാഹചര്യത്തില് അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു.... തോരാമഴയില് 5 മരണം കൂടി , കണ്ണൂരും കാസര്കോട്ടും ഉരുള്പൊട്ടി , സംസ്ഥാനത്ത് മഴ ശക്തമായി തുടരുന്ന സാഹചര്യത്തില് സുരക്ഷാ നിര്ദ്ദേശങ്ങള് കൃത്യമായി പാലിക്കാനും സര്ക്കാര് സംവിധാനങ്ങളോട് സഹകരിക്കാനും ഈ ഘട്ടത്തില് വൈമനസ്യം കൂടാതെ എല്ലാവരും തയ്യാറാകണമെന്ന് മുഖ്യമന്ത്രി
സംസ്ഥാനത്ത് കനത്ത മഴ തുടരുന്ന സാഹചര്യത്തില് അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു. കോഴിക്കോട്, പത്തനംതിട്ട, കാസര്കോട്, കോട്ടയം, കണ്ണൂര് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് കലക്ടര്മാര് അവധി പ്രഖ്യാപിച്ചത്.
അതിതീവ്ര മഴയുടെ സാഹചര്യത്തില് പൊന്നാനി താലൂക്ക് പരിധിയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കുമെന്ന് മലപ്പുറം ജില്ലാ കളക്ടര് . ആലപ്പുഴ ജില്ലയില് ചെങ്ങന്നൂര്, കാര്ത്തികപ്പള്ളി, കുട്ടനാട് താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും ഇന്ന് അവധിയായിരിക്കും. മാഹിയിലും ഇന്ന് അവധിയാണ്. സംസ്ഥാനത്ത് മഴ ശക്തമായി തുടരുന്ന സാഹചര്യത്തില് സുരക്ഷാ നിര്ദ്ദേശങ്ങള് കൃത്യമായി പാലിക്കാനും സര്ക്കാര് സംവിധാനങ്ങളോട് സഹകരിക്കാനും ഈ ഘട്ടത്തില് വൈമനസ്യം കൂടാതെ എല്ലാവരും തയ്യാറാകണമെന്ന് മുഖ്യമന്ത്രി പിണറായി വിജയന് ആവശ്യപ്പെട്ടു. നിരവധിയിടങ്ങളില് നാശനഷ്ടങ്ങളുണ്ടാവുകയും ആളുകളെ വീടുകളില് നിന്നു ഒഴിപ്പിക്കുകയും ചെയ്തു. എന്നാല് ഗുരുതരമായ ദുരന്ത സാഹചര്യത്തെ ഭയപ്പെടേണ്ട അവസ്ഥ ഇല്ല എന്നാണ് കേന്ദ്ര കാലാവസ്ഥ വകുപ്പ് വിലയിരുത്തിയിട്ടുള്ളതെന്നും അദ്ദേഹം പറഞ്ഞു.
ഇന്ന് പത്തനംതിട്ട ജില്ലയിലെ അംഗന്വാടി മുതല് പ്രൊഫഷണല് കോളേജുകള് വരെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിരിക്കുന്നു. മുന്നിശ്ചയിച്ച പൊതു പരീക്ഷകള്ക്ക് മാറ്റമുണ്ടാകില്ല.
കണ്ണൂര് ജില്ലയില് കാലവര്ഷം അതി തീവ്രമായിക്കൊണ്ടിരിക്കുന്ന സാഹചര്യത്തില് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ച് ഉത്തരവാകുന്നു. മേല് അവധി മൂലം നഷ്ടപ്പെട്ടന്ന പഠന സമയം ക്രമീകരിക്കുന്നതിന് ബന്ധപ്പെട്ട വിദ്യാഭ്യാസ സ്ഥാപന മേധാവികള് നടപടികള് സ്വീകരിക്കേണ്ടതാണെന്ന് അറിയിക്കുന്നു. വിദ്യാര്ഥികളെ മഴക്കെടുതിയില് നിന്ന് അകറ്റി നിര്ത്തുന്നതിനുള്ള നിര്ദ്ദേശങ്ങള് നല്കേണ്ടതുമാണ്. നാളെ നടത്താനിരുന്ന പി എസ് സി പരീക്ഷകള്ക്ക് മാറ്റമുണ്ടായിരിക്കുന്നതല്ല.
അതിതീവ്ര മഴയുടെ സാഹചര്യത്തില് ഇന്ന് മലപ്പുറം ജില്ലയിലെ പൊന്നാനി താലൂക്ക് പരിധിയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കുമെന്ന് ജില്ലാ കളക്ടര് അറിയിച്ചു. യൂണിവേഴ്സിറ്റി പരീക്ഷകള്, പി എസ് സി പരീക്ഷകള് എന്നിവ മുന്നിശ്ചയപ്രകാരം നടക്കും. അങ്കണവാടികള്ക്കും ട്യൂഷന് സെന്ററുകള്ക്കും മദ്രസകള്ക്കും അവധി ബാധകമാണ്.മറ്റ് താലൂക്കുകളില് വെള്ളക്കെട്ട് കാരണം കുട്ടികള്ക്ക് എത്തിപ്പെടാന് പ്രയാസമുള്ള സ്ഥലങ്ങളില് സ്കൂളുകള്ക്ക് പ്രാദേശിക അവധി നല്കാന് വിദ്യാഭ്യാസ ഉപ ഡയറക്ടറെ ചുമതലപ്പെടുത്തിയതായും കളക്ടര് അറിയിച്ചു.
കനത്ത മഴയെ തുടര്ന്ന് ആലപ്പുഴ ജില്ലയിലെ ചെങ്ങന്നൂര്, കുട്ടനാട്, കാര്ത്തികപ്പള്ളി താലൂക്കുകളിലെ പ്രൊഫഷണല് കോളേജ് ഉള്പ്പടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ഇന്ന് ( വെള്ളി ) ജില്ലാ കളക്ടര് അവധി പ്രഖ്യാപിച്ചു
അതേസമയം വടക്കന് കേരളത്തില് കനത്ത മഴ തുടരുന്നതിനാല്, എ പി ജെ അബ്ദുല് കലാം സാങ്കേതിക ശാസ്ത്ര സര്വകലാശാല ഇന്ന് നടത്താനിരുന്ന എല്ലാ പരീക്ഷകളും മാറ്റിവെച്ചതായി പരീക്ഷ കണ്ട്രോളര് അറിയിച്ചു.
കോഴിക്കോട് ജില്ലയില് മഴ തുടരുന്നതിനാലും പലയിടങ്ങളിലായി വെള്ളക്കെട്ടുള്ളതിനാലും നദീതീരങ്ങളില് വെള്ളം ഉയരുന്ന സാഹചര്യവും കണക്കിലെടുത്ത് പ്രൊഫഷണല് കോളേജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെയും (07072023, വെള്ളി) അവധി പ്രഖ്യാപിക്കുന്നു. ജില്ലയിലെ അങ്കണവാടികള്ക്കും അവധി ബാധകമാണ്.
കാസര്കോട് വിദ്യാഭ്യാസ സ്ഥാപനങ്ങള്ക്ക് ഇന്ന് അവധി. ജില്ലയില് റെഡ് അലേര്ട്ട് തുടരുന്നതിനാല് ഇന്ന് പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ആയിരിക്കും. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമുണ്ടാകില്ല. മേല് അവധി മൂലം നഷ്ടപ്പെടുന്ന പഠന സമയം ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണ്.
അതിശക്തമായ മഴ തുടരുന്ന സാഹചര്യത്തില് കോട്ടയം ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധി പ്രഖ്യാപിച്ച് ജില്ലാ കളക്ടര് വി. വിഗ്നേശ്വരി ഉത്തരവായി. അങ്കണവാടികള്, ഐ.സി.എസ്.ഇ./സി.ബി.എസ്.ഇ. ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് അവധി ബാധകമാണ്. മുന് നിശ്ചയിച്ച പൊതുപരീക്ഷകള്ക്ക് അവധി ബാധകമല്ല.
"
https://www.facebook.com/Malayalivartha
