ഗോവിന്ദന്‍ മാഷിന്റെ ഓരോ പാട് നോക്കണേ. ഓടി നടന്ന് സെമിനാറിന് ആളെ കൂട്ടണം, വിളിക്കാന്‍ ചെല്ലുമ്പോള്‍ അവരുടെ പുച്ഛവും കാണണം. ലീഗ് തേച്ചിട്ടും ഗോവിന്ദന്‍ മാഷ് തോല്‍വി സമ്മതിച്ചിട്ടില്ല. നേരെ വെച്ചുപിടിച്ചു സിപിഐയുടെ അടുത്തേക്ക്. സിപിഐ വരാന്ന് പറഞ്ഞിട്ടുണ്ട് അതിന്റെ ആവശേത്തിലാണ് മാഷ്. പക്ഷെ കോണ്‍ഗ്രസിനെ ക്ഷണിക്കാത്തത് അവര്‍ക്ക് നിലപാടില്ലാത്തതിനാലാണെന്ന് മാഷിന്റെ ഡയലോഗ്. ഈ പറയുന്നവരുടെ നിലപാടിനെക്കുറിച്ചാണ് നമുക്ക് ചോദിക്കാനുള്ളത്. ലീഗിനെ താറടി്ച് കാണിക്കാവുന്നതിന്റെ മാക്‌സിമം കാണിച്ചിട്ടുണ്ട്. എന്നിട്ടും ലീഗിനോട് പോരുന്നോ ഞങ്ങളുടെ കൂടെയെന്ന് ചോദിച്ചതിനേക്കാള്‍ വലിയ കോമഡി വേറെയില്ല.

ഏക സിവില്‍ കോഡിനെതിരെ കോഴിക്കോട്ട് സി.പി.എം സംഘടിപ്പിക്കുന്ന സെമിനാറില്‍ സി.പി.ഐ പങ്കെടുക്കുമെന്ന് സി.പി.എം സംസ്ഥാന സെക്രട്ടറി എം.വി. ഗോവിന്ദന്‍. സെമിനാറില്‍ പങ്കെടുക്കാന്‍ താത്പര്യമുള്ളവര്‍ക്കൊല്ലാം പങ്കെടുക്കാമെന്ന് സി.പി.എം വ്യക്തമാക്കിയതാണെന്നും അദ്ദേഹം ചൂണ്ടിക്കാട്ടി. കോണ്‍ഗ്രസിനെ ക്ഷണിക്കാത്തത് അവര്‍ക്ക് നിലപാടില്ലാത്തതിനാലാണെന്ന് എം.വി. ?ഗോവിന്ദന്‍ പറഞ്ഞു. ഇപ്പോഴും വിവിധ സംസ്ഥാനങ്ങളില്‍ കോണ്‍ഗ്രസിന് വ്യത്യസ്ത അഭിപ്രായങ്ങളാണ്. കോണ്‍?ഗ്രസ് ജനസദസ്സ് നടത്തുന്നത് കേരളത്തിലാണ്. ഏക സിവില്‍ കോഡിനെതിരെ എന്തെങ്കിലും തരത്തിലുള്ള നീക്കം നടത്താന്‍ അവരുടെ അഖിലേന്ത്യാ നേതൃത്വം തയ്യാറുണ്ടോ എന്നും അദ്ദേഹം ചോദിച്ചു.

വ്യക്തിനിയമങ്ങളില്‍ പരിഷ്‌കരണം വേണമെന്നത് മുന്‍പേ വ്യക്തമാക്കിയ കാര്യമാണ്. സ്ത്രീപുരുഷ സമത്വം ഉള്‍പ്പെടെയുള്ള വിഷയങ്ങളില്‍ വ്യക്തിനിയമത്തിലുണ്ടാകേണ്ട മാറ്റം അനിവാര്യമാണെന്ന് ഭരണഘടന തന്നെ ചൂണ്ടിക്കാട്ടിയിട്ടുണ്ട്. അതിലേക്ക് പോകണം. എന്നാല്‍ അതിന് മുന്‍പ് നടക്കേണ്ട പ്രക്രിയകള്‍ ഇവിടെ നടന്നിട്ടില്ലെന്നും അദ്ദേഹം കൂട്ടിച്ചേര്‍ത്തു. ഹിന്ദുത്വ അജണ്ട നടപ്പിലാക്കാനുള്ള ബോധപൂര്‍വമായ ഇടപെടലിനാണ് ഏക സിവില്‍ കോഡിലൂടെ കേന്ദ്ര സര്‍ക്കാര്‍ ശ്രമിക്കുന്നത്. ഇന്ത്യയുടെ വൈവിധ്യങ്ങളെ അംഗീകരിക്കാതെ രാജ്യത്തിന് നിലനില്‍ക്കാനാകില്ല. മണിപ്പുര്‍ ഇതിന്റെ ഉദാഹരണമാണെന്നും എം.വി ഗോവിന്ദന്‍ പറഞ്ഞു. ഫാസിസത്തിലേക്കുള്ള യാത്രയില്‍ അവര്‍ ഹിന്ദുത്വ അജണ്ട മുന്നോട്ട് വയ്ക്കുകയാണ്. ഇതേ അജണ്ടയില്‍ മുന്നോട്ടുപോകാനാണ് അവര്‍ ശ്രമിക്കുന്നതെങ്കില്‍ അതിനെ പ്രതിരോധിക്കാനുള്ള പ്രവര്‍ത്തനത്തില്‍ ഞങ്ങളുടെ പ്രവര്‍ത്തനവും ഭാഗമായിരിക്കും, എം.വി ഗോവിന്ദന്‍ പറഞ്ഞു.

ആരാ ഈ പറയുന്നതെന്ന് കേള്‍ക്കുമ്പോള്‍ ചിരിക്കണോ അതോ കരയണോ എന്ന് അറിയാത്ത അവസ്ഥ. ഏകാധിപത്യം പുറത്തെടുക്കുന്ന സിപിഎം തന്നെ ഇത് പറയണം. ആദ്യം സ്വയം ഒന്ന് നന്നായിട്ട് പോരെ ഇതൊക്കെ. ഏതായാലും സെമിനാറിന് ആളെക്കൂട്ടാന്‍ ഓടി നടക്കുകയാണ് മാഷ്. ലീഗ് ഓടിച്ചിട്ടും പിന്നാലെ കൂടിയിരിക്കുകയാണ് സിപിഎം. ലീഗ് വരുമെന്ന് പ്രതീക്ഷയുണ്ടെന്ന് എല്‍ഡിഎഫ് കണ്‍വീനറും സിപിഎം കേന്ദ്ര കമ്മിറ്റി അംഗവുമായ ഇ.പി.ജയരാജന്‍ പറഞ്ഞു. ലീഗുള്‍പ്പെടെയുള്ളവരെ വീണ്ടും ക്ഷണിക്കുമെന്ന് കഴിഞ്ഞ ദിവസം സിപിഎം സംസ്ഥാന സെക്രട്ടറി എം.വി.ഗോവിന്ദനും പറഞ്ഞിരുന്നു. മുസ്ലിം ലീഗിന്റെ ശക്തിയെ പുകഴ്ത്തി പറഞ്ഞുക്കൊണ്ടായിരുന്നു ഇ.പി.ജയരാജന്‍ ശുഭപ്രതീക്ഷ പ്രകടിപ്പിച്ചത്.

ലോക കേരളസഭയിലും പ്രളയദുരിതാശ്വാസത്തിലുമടക്കം മുസ്ലിംലീഗ് ഇടതുപക്ഷ സര്‍ക്കാരുമായി സഹകരിച്ചിട്ടുണ്ട്. കോണ്‍ഗ്രസെടുക്കുന്ന പോലെ പൂര്‍ണ്ണ നിഷേധാത്മക സമീപനമല്ല ലീഗിനുള്ളത്. മുസ്ലിംലീഗിന്റെ പിന്തുണയില്ലെങ്കില്‍ 140 നിയമസഭാ മണ്ഡലങ്ങളില്‍ ഒന്നില്‍ പോലും കോണ്‍ഗ്രസിന് ജയിക്കാനാകില്ല. അത് ഇനിയും ദുര്‍ബലമാകുമെന്നും ഇ.പി.ജയരാജന്‍ പറഞ്ഞു. മുസ്ലിംലീഗിനെ ഇപ്പോഴും പ്രതീക്ഷിക്കുന്നുണ്ടോ എന്ന ചോദ്യത്തിന് ജയരാജന്റെ മറുപടി ഇങ്ങനെയായിരുന്നു. 'ഞങ്ങള്‍ക്ക് എല്ലാ കാര്യത്തിലും പ്രതീക്ഷയാണുള്ളത്. ഓരോ പാര്‍ട്ടികള്‍ക്കും അവരുടെ നിലപാട് സ്വീകരിക്കാന്‍ അധികാരമുണ്ട്. എന്നാല്‍ കേരളത്തില്‍ യുഡിഎഫിന്റെ നില പരുങ്ങലിലാണ്. മുസ്ലിംലീഗ് യുഡിഎഫ് വിട്ടുപോയാല്‍ പിന്നെ യുഡിഎഫില്ല. അതുകൊണ്ട് കോണ്‍ഗ്രസ് വല്ലാത്ത പ്രയാസത്തിലാണ്. മുസ്ലിംലീഗില്‍ തന്നെ കോണ്‍ഗ്രസിന്റെ പിന്നാലെ പോകാതെ ശരിയായ നിലപാട് സ്വീകരിക്കണമെന്ന് ചിന്തിക്കുന്നവരുണ്ട്. അവരൊക്കെ ഈ സെമിനാറിലടക്കം സഹകരിക്കുമെന്നാണ് പ്രതീക്ഷിക്കുന്നത്' ജയരാജന്‍ പറഞ്ഞു.