മുന് മുഖ്യമന്ത്രി ഉമ്മന്ചാണ്ടിയെ അവസാനമായി കാണാന് നടന് മമ്മൂട്ടി തിരുനക്കരയില് എത്തി... നടന് പിഷാരടിക്കും നിര്മാതാവ് ആന്റോ ജോസഫിനുമൊപ്പമാണ് മമ്മൂട്ടി എത്തിയത്, നടനും മുന് എംപിയുമായ സുരേഷ് ഗോപിയും തിരുനക്കര എത്തി, ഭരണകര്ത്താവിന്റെ മാനുഷിക മുഖവും ഭാവവുമുള്ള നേതാക്കന്മാരിലെ അവസാന കണ്ണിയാണ് ഉമ്മന് ചാണ്ടിയെന്ന് സുരേഷ് ഗോപി , പ്രിയനേതാവിനെ കാണാനായി തിരുനക്കര മൈതാനിയില് ജനസാഗരം
മുന് മുഖ്യമന്ത്രി ഉമ്മന്ചാണ്ടിയെ അവസാനമായി കാണാന് നടന് മമ്മൂട്ടി തിരുനക്കരയില് എത്തി. നടന് പിഷാരടിക്കും നിര്മാതാവ് ആന്റോ ജോസഫിനുമൊപ്പമാണ് മമ്മൂട്ടി എത്തിയത്. നടനും മുന് എംപിയുമായ സുരേഷ് ഗോപിയും തിരുനക്കര എത്തി. കൂടാതെ പ്രമുഖ നേതാക്കളും ഇവിടെയുണ്ട്.ഭരണകര്ത്താവിന്റെ മാനുഷിക മുഖവും ഭാവവുമുള്ള നേതാക്കന്മാരിലെ അവസാന കണ്ണിയാണ് ഉമ്മന് ചാണ്ടിയെന്ന് സുരേഷ് ഗോപി അനുസ്മരിച്ചു. നമുക്ക് അനുകരിക്കാനാവുന്ന വ്യക്തിയാണ്. ഒരു യുഗം അവസാനിക്കുകയാണെന്നും അദ്ദേഹം പറഞ്ഞു.
അതേസമയം വിലാപയാത്രയായി എത്തുന്ന ഉമ്മന് ചാണ്ടിയുടെ മൃതദേഹം പൊതുദര്ശനത്തിനായി തിരുനക്കര എത്തിക്കും. പ്രിയനേതാവിനെ കാണാനായി തിരുനക്കര മൈതാനിയില് ജനസാഗരമാണ് ഒത്തുകൂടിയിരിക്കുന്നത്. ഉമ്മന് ചാണ്ടിയുടെ മൃതദേഹവും വഹിച്ചുകൊണ്ടുള്ള വിലാപയാത്ര 25 മണിക്കൂര് പിന്നിടുന്നു.
തിരുനക്കരയിലെ പൊതുദര്ശനത്തിന് ശേഷമാണ് പുതുപ്പള്ളിയിലേക്ക് കൊണ്ടുപോവുക. സംസ്കാര ചടങ്ങില് പങ്കെടുക്കാനായി കൊച്ചിയിലെത്തിയ കോണ്ഗ്രസ് നേതാവ് രാഹുല് ഗാന്ധി കോട്ടയത്തേക്ക് തിരിച്ചു. എഐസിസി ജനറല് സെക്രട്ടറി കെസി വേണുഗോപാല് ഉള്പ്പെടെയുള്ള നേതാക്കള് അദ്ദേഹത്തിനൊപ്പമുണ്ട്. പുതുപ്പള്ളി സെന്റ് ജോര്ജ് ഓര്ത്തഡോക്സ് വലിയ പള്ളിയിലെ പ്രത്യേകയിടത്തില് ഇന്ന് വൈകുന്നേരം ് 3.30നാണ് സംസ്കാരം.
പരിശുദ്ധ ബസേലിയോസ് മാര്ത്തോമ മാത്യൂസ് തൃതീയന് കാതോലിക്കാ ബാവ ചടങ്ങുകള്ക്ക് മുഖ്യ കാര്മികത്വം വഹിക്കും. വൈകീട്ട് അഞ്ച് മണിക്കു പള്ളി മുറ്റത്ത് അനുശോചന യോഗവും ചേരും. അദ്ദേഹത്തിന്റെ അന്ത്യാഭിലാഷമനുസരിച്ച് ഔദ്യോഗിക ബഹുമതികള് ഇല്ലാതെയാകും സംസ്കാരം നടക്കുക.
https://www.facebook.com/Malayalivartha
