നടന് വിനായകന്റെ വീട് അടിച്ച് തകര്ത്ത് കോണ്ഗ്രസ് പ്രവര്ത്തകര്;ജനലുകളും വാതിലും തകര്ത്തു,ഉമ്മന് ചാണ്ടിയെ തൊട്ടു വിനായകന് പൊള്ളി,അണികള് വൈകാരികമായ് നില്ക്കുമ്പോള് നടന്റെ ഷോ,വിടുവായത്തത്തിന് പണി കിട്ടി
നടന് വിനായകന്റെ വീടിനുനേരെ കോണ്ഗ്രസ് പ്രവര്ത്തകരുടെ അക്രമണം. ഉമ്മന് ചാണ്ടിയെ അധിക്ഷേപിച്ച വിനായകനെതിരെ കലിയിളകി നില്ക്കുകയായിരുന്നു കോണ്ഗ്രസ്. ഫേസ്ബുക്ക് ലൈവില് വന്ന് അങ്ങേയറ്റം മോശം പരാമര്ശമാണ് വിനായകന് നടത്തിയത്. തൊട്ടുപിന്നാലെ നടന് നേരെ സോഷ്യല്മീഡിയയിലും വലിയ എതിര്പ്പുയര്ന്നു. പണികിട്ടുമെന്നായപ്പോള് വിനായകന് ഈ വീഡിയോ പിന്വലിച്ച് ഓടിയിരുന്നു. എന്നാല് കോണ്ഗ്രസ്സുകാര് ഏറ്റവും വൈകാരികമായ് നില്ക്കുന്ന ഒരു സമയത്ത് ഇതുപോലൊരു പോസ്റ്റിട്ട് അവരുടെ വികാരം വ്രണപ്പെടുത്തിയ വിനായകന് ചോദിച്ച് മേടിച്ചിരിക്കുകയാണ്. അല്ലെങ്കിലും പൊതുമധ്യത്തില് വന്ന് എങ്ങനെ സംസാരിക്കണമെന്ന ബോധമേ ഇല്ലാത്ത ആളാണ് വിനായകന്. പപലപ്പോഴും വിടുവായത്തം വിളമ്പി എയറില് കയറിയിട്ടുമുണ്ട്. പക്ഷെ ഇത്തവണ കുറച്ച് കൂടിപ്പോടി മേടിച്ച് കൂട്ടുകയും ചെയ്തു.
കൊച്ചി കലൂര് സ്റ്റേഡിയത്തിന് പിന്നിലെ സ്റ്റേഡിയം ലിങ്ക് റോഡിലെ കെന്റ് ഹെയില് ഗാര്ഡനിലെ ഫ്ലാറ്റിലെത്തിയ ഒരു കൂട്ടം കോണ്ഗ്രസ് പ്രവര്ത്തകര് ഫ്ലാറ്റിലെ ജനലിന്റെ ചില്ല് തല്ലിപ്പൊട്ടിക്കുകയും വാതില് അടിച്ചു തകര്ക്കാന് ശ്രമിക്കുകയും ചെയ്തു. വ്യാഴാഴ്ച ഉച്ചക്ക് 3.30 ഓടെയാണ് സംഭവം. ഉമ്മന് ചാണ്ടിയ്ക്ക് ജയ് വിളിച്ചു കൊണ്ട് ഫ്ലാറ്റിനുള്ളിലേക്ക് കടന്ന് ചെന്ന പ്രവര്ത്തകര് അവിടം താറുമാറാക്കി.
തുടര്ന്ന് പോലീസും ഫ്ലാറ്റിലെ സെക്യൂരിറ്റി ജീവനക്കാരും ചേര്ന്നാണ് ഇവരെ മാറ്റിയത്.
ഉമ്മന്ചാണ്ടിയുടെ മരണത്തിന് പിന്നാലെ കഴിഞ്ഞദിവസം നടന് വിനായകന് ഫെയ്സ്ബുക്ക് ലൈവില് ചില പരാമര്ശങ്ങള് നടത്തിയിരുന്നു. ഇത് വിമര്ശനങ്ങള്ക്കിടയാക്കുകയും ഇതിനെതിരേ സാമൂഹികമാധ്യമങ്ങളില് വ്യാപക പ്രതിഷേധമുയരുകയും ചെയ്തതോടെ ഈ വീഡിയോ നടന് ഫെയ്സ്ബുക്കില് നിന്ന് പിന്വലിച്ചിരുന്നു. പിന്നാലെ ഉമ്മന്ചാണ്ടിയെ സാമൂഹികമാധ്യമങ്ങളില് അപമാനിച്ചെന്ന് ആരോപിച്ച് വിനായകനെതിരേ എറണാകുളം ഡി.സി.സി. ജനറല് സെക്രട്ടറി അജിത് അമീര് ബാവ കൊച്ചി അസി. പോലീസ് കമ്മീഷണര്ക്ക് പരാതി നല്കുകയും ചെയ്തിരുന്നു. ഉമ്മന്ചാണ്ടിയെ അപമാനിച്ച വിനായകനെതിരേ നടപടി സ്വീകരിക്കണമെന്നും നടന്റെ ലഹരിമാഫിയഗുണ്ടാബന്ധങ്ങള് അന്വേഷിക്കണമെന്നുമായിരുന്നു പരാതിയിലെ ആവശ്യം. വിനായകനാണ് സിനിമാ മേഖലയിലെ ലഹരിമാഫിയയുടെ തലവനെന്നും പരാതിയില് ആരോപിച്ചിരുന്നു.
ഉമ്മന് ചാണ്ടിയെ തൊട്ടാല് പൊള്ളുമെന്ന് വിനായകന് ഇപ്പോള് ബോധ്യമായി. സിനിമയുടെ പ്രൊമോഷനൊക്കെ വന്നിരുന്ന് ഊളത്തരം വിളമ്പുന്നത് പോലെ അല്ല എല്ലായിടത്തും കേറി ഷോ ഇറക്കാന് ചെന്നാല് അവരെടുത്ത് പഞ്ഞിയ്ക്കിടും. ഏതായാലും കിട്ടിയില്ല ചോദിച്ച് മേടിച്ചു. അങ്ങേയറ്റം മോശമായ പദപ്രയോഗങ്ങളാണ് വിനായകന് പ്രയോഗിച്ചത്. മരിച്ച ഒരാളെപ്പറ്റി അതും കേരളം നെഞ്ചേറ്റിയ ഒരു നേതാവിനെ കുറിച്ച് ഇങ്ങനെ പറയുമ്പോള് ഓര്ക്കണമായിരുന്നു പണി പിന്നാലെ വരുന്നുണ്ടെന്ന്. ഉമ്മന്ചാണ്ടിയെ അധിക്ഷേപിച്ചതിന് വിനായകനെതിരേ എറണാകുളം ഡി.സി.സി. ജനറല് സെക്രട്ടറി അജിത് അമീര് ബാവ പരാതി നല്കിയിരുന്നു. ഉമ്മന്ചാണ്ടിയുടെ മരണത്തിന് പിന്നാലെ കഴിഞ്ഞദിവസമായിരുന്നു നടന് വിനായകന് ഫെയ്സ്ബുക്ക് ലൈവില് വിവാദപരാമര്ശങ്ങള് നടത്തിയത്. ''ആരാണ് ഈ ഉമ്മന്ചാണ്ടി, നിര്ത്തിയിട്ട് പോ പത്രക്കാരെ, എന്റെ അച്ഛനും ചത്തു, നിങ്ങളുടെ അച്ഛനും ചത്തു. അതിനിപ്പോ ഞങ്ങളെന്ത് ചെയ്യണം'' എന്നൊക്കെയായിരുന്നു വിനായകന്റെ പരാമര്ശം. എന്നാല്, ഇതിനെതിരേ സാമൂഹികമാധ്യമങ്ങളില് വ്യാപക പ്രതിഷേധമുയര്ന്നതോടെ വിനായകന് വീഡിയോ മുക്കിയത്. പക്ഷെ വീഡിയോ മുക്കിയിട്ടും കാര്യമുണ്ടായില്ല കിട്ടാനുള്ളത് കിട്ടി.
https://www.facebook.com/Malayalivartha
