ബംഗാള് ഉള്ക്കടലില് മറ്റൊരു ന്യൂനമര്ദ്ദത്തിന് സാധ്യത.... കേരളത്തില് അടുത്ത അഞ്ചുദിവസം വ്യാപക മഴയും ഒറ്റപ്പെട്ട സ്ഥലങ്ങളില് ശക്തമായ മഴയുമാണ് കാലാവസ്ഥ വകുപ്പ്
ബംഗാള് ഉള്ക്കടലില് മറ്റൊരു ന്യൂനമര്ദ്ദത്തിന് സാധ്യത. ജൂലൈ 24ആകുമ്പോഴേക്കും വടക്ക് പടിഞ്ഞാറന് ബംഗാള് ഉള്ക്കടലിനും മധ്യ പടിഞ്ഞാറന് ബംഗാള് ഉള്ക്കടലിനും മുകളിലായി പുതിയൊരു ന്യൂനമര്ദ്ദം രൂപപ്പെടാന് സാധ്യതയെന്ന് കേന്ദ്ര കാലാവസ്ഥ വകുപ്പ് . ഇതിന്റെ സ്വാധീനഫലമായി കേരളത്തില് അടുത്ത അഞ്ചുദിവസം വ്യാപക മഴയും ഒറ്റപ്പെട്ട സ്ഥലങ്ങളില് ശക്തമായ മഴയുമാണ് കാലാവസ്ഥ വകുപ്പ് പ്രവചിക്കുന്നത്.
നിലവില് തെക്ക് പടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം അടുത്ത രണ്ടുമൂന്ന് ദിവസം പടിഞ്ഞാറു വടക്ക് പടിഞ്ഞാറു ദിശയില് ഒഡീഷക്ക് മുകളിലൂടെ സഞ്ചരിക്കാനായി സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. ഇതും സംസ്ഥാനത്തെ മഴയെ സ്വാധീനിക്കും. ശക്തമായ മഴ കണക്കിലെടുത്ത് വെള്ളിയാഴ്ച ഇടുക്കി, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും ശനിയാഴ്ച മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
കേരളത്തിന്റെ തീരത്ത് ശനിയാഴ്ച രാത്രി 11.30 വരെ 3.5 മുതല് 3.8 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്നു ദേശീയ സമുദ്ര ഗവേഷണ കേന്ദ്രം മുന്നറിയിപ്പ് നല്കി . മത്സ്യത്തൊഴിലാളികളും തീര ദേശത്തുള്ളവരും ജാഗ്രത പാലിക്കണമെന്നും മുന്നറിയിപ്പുണ്ട്.
"
https://www.facebook.com/Malayalivartha
