തോട് മുറിച്ചു കടക്കാന്‍ ശ്രമിക്കുന്നതിനിടെ കാല്‍ വഴുതി വെള്ളത്തില്‍ വീണു വയോധിക ഒഴുക്കില്‍പ്പെട്ടു മരിച്ചു. പട്ടുവം അരിയിലെ കല്ലുവളപ്പില്‍ നാരായണി (78) ആണ് മരിച്ചത്.

ഇന്നലെ രാവിലെ തോട് മുറിച്ചു കടക്കുമ്പോള്‍ കാല്‍ വഴുതി വെള്ളത്തില്‍ വീഴുകയായിരുന്നുവെന്നാണ് സംശയിക്കുന്നത്. ശക്തമായ ഒഴുക്കായിരുന്നു ഈ സമയത്ത് തോട്ടില്‍. ഏറെ ദൂരയാണ് മൃതദേഹം കിടന്നത്. കര്‍ഷക തൊഴിലാളിയായ നാരായണി ജോലി സ്ഥലത്തു മറന്നു വച്ച കുടയെടുക്കാനായി പോയപ്പോഴാണ് അപകടത്തില്‍പ്പെട്ടത്. ഭര്‍ത്താവ്: ഒതേനന്‍. മൂന്നു മക്കളുണ്ട്.