ഏഴു വയസ്സുകാരനോട് രണ്ടാനച്ഛന് കാട്ടിയ ക്രൂരത... മകനോട് ക്രൂരത കാട്ടുന്നത് കണ്ടിട്ടും നോക്കുകുത്തിയായി അമ്മ
ഏഴു വയസ്സുകാരനോട് രണ്ടാനച്ഛന് കാട്ടിയ ക്രൂരത... മകനോട് ക്രൂരത കാട്ടുന്നത് കണ്ടിട്ടും നോക്കുകുത്തിയായി അമ്മയും. തിരുവനന്തപുരത്ത് ഏഴു വയസ്സുകാരനെ രണ്ടാനച്ഛന് ക്രൂരമായി മര്ദ്ദിച്ചതായി പരാതി. കുട്ടിയുടെ അടിവയറ്റില് ചട്ടുകം കൊണ്ട് പൊള്ളിച്ചു. ഫാനില് കെട്ടിത്തൂക്കിയെന്നും പച്ച മുളക് തീറ്റിച്ചുവെന്നും കുട്ടി പറയുന്നു. സംഭവത്തിന് സാക്ഷിയായിട്ടും അമ്മ അഞ്ജന തടഞ്ഞില്ലെന്നും കുട്ടി പറയുന്നു.
ഏഴ് വയസ്സുകാരന് ഇക്കാര്യങ്ങള് വെളിപ്പെടുത്തുന്ന വീഡിയോ പുറത്തുവന്നിട്ടുണ്ട്. കുട്ടിയുടെ ശരീരമാസകലം അടിയേറ്റതിന്റെ പാടുകള് കാണാം. ഇരു കാലുകള്ക്ക് താഴെയും മുറിവേറ്റതിന്റെ പാടുകളുമുണ്ട്. രണ്ടാനച്ഛനായ ആറ്റുകാല് സ്വദേശി അനുവിനെ പൊലീസ് പിടികൂടി.
രണ്ട് ദിവസം മുമ്പ് അമ്മക്ക് അസുഖമായതിനെ തുടര്ന്നാണ് കുട്ടിയെ രണ്ടാനച്ഛന്റെ വീട്ടിലെത്തിച്ചിരുന്നു. ഇവരാണ് കുട്ടിയുടെ ശരീരത്തിലെ പാടുകള് ആദ്യം കണ്ടത്. ഇവരാണ് കുട്ടി മര്ദ്ദനമേറ്റ വിവരങ്ങള് പറയുന്ന വീഡിയോ ചിത്രീകരിച്ചത്. പിന്നാലെ ഇവര് അനുവിനെതിരെ പൊലീസില് പരാതി നല്കുകയായിരുന്നു.
ചിരിച്ചതിനും നോട്ടെഴുതാന് വൈകിയെന്നുമൊക്കെയുള്ള നിസ്സാര കുറ്റങ്ങള് പറഞ്ഞായിരുന്നു മര്ദ്ദനം. ഒരുവര്ഷമായി രണ്ടാനച്ഛന് ക്രൂരമായി പീഡിപ്പിക്കുന്നുവെന്നാണ് കുട്ടിയുടെ മൊഴി. കുട്ടിയുടെ അമ്മ അഞ്ജനയെയും ചോദ്യം ചെയ്യുകയാണ്. ആദ്യ ഭര്ത്താവ് ഉപേക്ഷിച്ച് പോയതിന് പിന്നാലെ കഴിഞ്ഞ ഒരു വര്ഷമായി ബന്ധുവായ അനുവിനൊപ്പം താമസിച്ച് വരികയായിരുന്നു.
https://www.facebook.com/Malayalivartha