ആറു വയസ്സുകാരിയായ മകളെ പീഡിപ്പിച്ച കേസില് പ്രതിയായ അച്ഛന് മൂന്ന് ജീവപര്യന്തം തടവും,21 വര്ഷം കഠിനതടവും 90,000 രൂപ പിഴയും
ആറു വയസ്സുകാരിയായ മകളെ പീഡിപ്പിച്ച കേസില് പ്രതിയായ നാല്പതുകാരനായ അച്ഛന് മൂന്ന് ജീവപര്യന്തവും, 90000 പിഴയ്ക്കും തിരുവനന്തപും അതിവേഗ പ്രത്യേക കോടതി ശിക്ഷിച്ചു. ഇതു കൂടാതെ വിവിധ വകുപ്പുകളില് 21 വര്ഷം കഠിനതടവും ഉണ്ട്.
പിഴ ഒടുക്കീലെങ്കില് ഒരു വര്ഷം കൂടുതല് തടവ് അനുഭവിക്കണം എന്ന് ജഡജി ആര് രേഖ വിധിന്യായത്തില് പറയുന്നു. ഈ ശിക്ഷകള് ഒരുമിച്ച് അനുഭവിച്ചാല് മതി. അച്ഛന് എന്ന വിശ്വാസ്യതയ്ക്ക് പ്രതി കളങ്കമാണെന്ന് കോടതി വിധിന്യായത്തില് പറയുന്നു.
മകളെ സംരക്ഷിക്കേണ്ട അച്ഛന് നീചമായ കുറ്റകൃത്യമാണ് നടത്തിയിട്ടുള്ളത്. ഒരിക്കലും ഇങ്ങനെ ഒരു കൃത്യം ന്യായീകരിക്കാന് ആവുന്നതല്ല. ഇത്തരം പീഡനത്തിലൂടെ കുട്ടിയുടെ ബാല്യമാണ് നഷ്ടപ്പെട്ടത്, അതൊരിക്കലും ന്യായീകരിക്കാന് പറ്റുന്നതല്ല. ഇത്തരം ഹീനമായ പ്രവൃത്തി ചെയ്യാന് തുനിഞ്ഞിറങ്ങിയ പ്രതിയെ നിയമത്തിന്റെ ഉരുക്കു കൈകള് കൊണ്ട് തന്നെ ബന്ധിക്കണം എന്ന് ജഡ്ജി ആര് രേഖ വിധിന്യായത്തില് പ്രതിപാദിച്ചിട്ടുണ്ട്.
2023 ജൂലൈ മാസത്തിലാണ് കേസിന് ആസ്പദമായ സംഭവം നടന്നത്. കുട്ടിയുടെ അമ്മ ഗള്ഫില് ജോലി ചെയ്യുന്നതിനാല് കുട്ടി പ്രതിയുടെ വീട്ടിലും അമ്മുമ്മയുടെ(അമ്മയുടെ അമ്മ) വീട്ടിലും ആയിട്ടാണ് താമസം. അച്ഛനോടൊപ്പം വീട്ടില് താമസിക്കാന് നിന്ന ദിവസങ്ങളില് ആണ് കുട്ടി പീഡനത്തിന് ഇരയായത്. കുട്ടിയെ ഫോണ് കാണിച്ചു തരാം എന്ന് പറഞ്ഞ് മുറിക്കുള്ളില് കൊണ്ടുപോയിട്ടാണ് പീഡനം നടത്തിയത് എന്ന് കുട്ടി മൊഴി നല്കി.
പ്രതിയുടെ വിരലുകള് കുട്ടിയുടെ സ്വകാര്യ ഭാഗത്ത് കടത്തിയതിനെ തുടര്ന്ന് ആ ഭാഗത്ത് പരിക്ക് ഏറ്റിരുന്നു. ഇതേത്തുടര്ന്ന് സ്വകാര്യ ഭാഗത്ത് വേദനയുണ്ടെന്ന് കുട്ടി അമ്മൂമ്മയോട് പറഞ്ഞു. അമ്മൂമ്മ കുട്ടിയെ സ്വകാര്യ ആശുപത്രിയില് കാണിച്ചപ്പോള് ആണ് സ്വകാര്യഭാഗത്ത് ഗുരുദരമായ പരിക്ക് ഉണ്ട് എന്ന് ഡോക്ടര് കണ്ടത്തിയതിനെ തുടര്ന്ന് ഡോക്ടര് ചോദിച്ചപ്പോള് ആണ് കുട്ടി ഡോക്ടറോട് അച്ഛന് തന്നെ പീഡിപ്പിച്ച കാര്യം വെളിപ്പെടുത്തിയത്. തുടര്ന്ന് ഡോക്ടറുടെ നിര്ദ്ദേശപ്രകാരം ആണ് വീട്ടുകാര് വലിയതുറ പോലീസില് പരാതിപ്പെട്ടു. അച്ഛന് മദ്യപിച്ച് വീട്ടില് വരുമ്പോള് മോശമായി പെരുമാറാറുണ്ടെന്ന് കുട്ടിയുടെ 15 വയസ്സുള്ള സഹോദരിയും മൊഴി നല്കിയിരുന്നു.
പ്രോസിക്യൂഷനു വേണ്ടി സെപ്ഷ്യല് പബ്ലിക്ക് പ്രോസിക്യൂട്ടര് ആര്. എസ് വിജയ് മോഹന്, അഡ്വ. അഖിലേഷ് ആര്. വൈ ഹാജരായി. പോലീസ് ഉദ്യോഗസ്ഥരായ പൂന്തുറ എ.എസ്.ഐ ബീന ബീഗം, വലിയതുറ സി ഐ. രതീഷ്. ജി.എസ് എന്നിവരാണ് കേസ് അന്വേഷിച്ചത്. ഒന്നില് കൂടുതല് തവണ കുട്ടിയെ പീഡിപ്പിച്ചതിനും, 12 വയസ്സിന് താഴെയുള്ള പീഡിപ്പിച്ചതിനും, കുട്ടിയെ സംരക്ഷിക്കേണ്ട അച്ഛന് പീഡിപ്പിച്ചതിനും എന്നീ മൂന്നു വകുപ്പുകള് പ്രകാരമാണ് മൂന്ന് ജീവപര്യന്തം ശിക്ഷ വിധിച്ചത്.
2024 മാര്ച്ച് 29 ന് വിചാരണ ആരംഭിച്ച കേസ് ഒരു മാസത്തിനുള്ളില് തന്നെ വിചാരണ പൂര്ത്തിയാക്കി. പ്രോസിക്യൂഷന് 17 സാക്ഷികളെയും 19 രേഖകളും ഹാജരാക്കി. കുട്ടിക്ക് ജില്ലാ ലീഗല് സര്വീസ് അതോറിറ്റിയില് നിന്നും നഷ്ടപരിഹാരം നല്കണമെന്ന് കോടതി ഉത്തരവിട്ടു.
https://www.facebook.com/Malayalivartha