വ്യവസായി എം.എ. യൂസഫലിയുടെ ആതിഥേയത്വം സ്വീകരിച്ച് സ്‌റ്റൈല്‍ മന്നന്‍ രജനീകാന്ത്. രജനിയെ അരികിലിരുത്തി, അബൂദബിയിലെ തന്റെ വസതിയിലേക്ക് റോള്‍സ് റോയ്‌സ് കാര്‍ ഓടിച്ചുപോകുന്ന യൂസുഫലിയുടെ ദൃശ്യം സമൂഹമാധ്യമങ്ങളില്‍ വൈറലായി.

പുതിയ ചിത്രമായ 'വെട്ടിയ'ന്റെ ഷൂട്ടിങ്ങിനുശേഷം ദുബൈയില്‍ സുഹൃത്തുക്കളെ സന്ദര്‍ശിക്കാനെത്തിയ രജനിയോടുള്ള ആദരവിന്റെ ഭാഗമായാണ് ലുലു ഗ്രൂപ് മേധാവി അദ്ദേഹത്തെ തിങ്കളാഴ്ച തന്റെ വസതിയിലേക്ക് ക്ഷണിച്ചത്. വീട്ടില്‍ ഏറെ നേരം ചെലവഴിച്ചാണ് രജനി തിരിച്ചു പോയത്.