ഇനി പച്ചക്കറി വാങ്ങുമ്പോള് കുമ്പളങ്ങ വേണ്ടായെന്ന് ആരും പറയേണ്ട...
വയറ്റിലെ കൊഴുപ്പ് കുറയ്ക്കാനായി ഒരു അടിപൊളി ഡ്രിങ്ക് കുമ്പളങ്ങ കൊണ്ട് തയാറാക്കിയാലോ? എളുപ്പത്തില് വയറ് കുറയ്ക്കാന് സൂപ്പറാണിത്. എങ്ങനെ ഉണ്ടാക്കാമെന്ന് നോക്കാം.
കുമ്പളങ്ങയാണ് ഇവിടെ താരം. മറ്റു പച്ചക്കറിയുടെ അത്രയും പ്രാധാന്യം ഇല്ലെങ്കിലും കുമ്പളങ്ങ ഇന്ന് മിക്കവരും കഴിക്കാറുണ്ട്. മോര് കറിയ്ക്കും ഓലനുമൊക്കെ തയാറാക്കാനും കുമ്പളങ്ങ ഉപയോഗിക്കുന്നുണ്ട്. നിരവധി പോഷകഗുണങ്ങളുള്ള കുമ്പളങ്ങയില് വലിയ അളവില് ജലാംശം ഉണ്ട്. കാലറി തീരെ കുറഞ്ഞ പച്ചക്കറി ആയതിനാല് തടിയും വയറും കുറയ്ക്കാന് കുമ്പളങ്ങ നല്ലതാണ്. കുമ്പളങ്ങ കൊണ്ട് ഒരു സ്പെഷല് ഡ്രിങ്ക് തയാറാക്കാം.കുമ്പളങ്ങയുടെ തൊലികളഞ്ഞ് വൃത്തിയാക്കിയതിനു ശേഷം ചെറിയ കഷ്ണങ്ങളാക്കി മുറിക്കാം.
മിക്സിയുടെ ജാറിലേക്ക് ഈ കഷണങ്ങളും ഇത്തിരി കുരുമുളകും മല്ലിയിലയും ആവശ്യത്തിനുള്ള ഉപ്പും ഇത്തിരി ജീരകവും ആവശ്യത്തിനുള്ള വെള്ളവും ചേര്ത്ത് നന്നായി അരച്ചെടുക്കാം. ശേഷം അരിപ്പയില് അരിച്ച് നാരങ്ങാ നീരും ചേര്ത്ത് രാവിലെ കുടിക്കാവുന്നതാണ്. ഇതല്ലാതെ കുമ്പളങ്ങ കഷ്ണത്തിനൊപ്പം പുതിനയിലയും ആവശ്യത്തിനുള്ള ഉപ്പും നാരങ്ങാ നീരും ചേര്ത്ത് ജൂസായി കുടിക്കാനും നല്ലതാണ്. വയറ് കുറയ്ക്കാന് സൂപ്പറാണ്.
https://www.facebook.com/Malayalivartha
