സിപിഎം നേതാക്കള്‍ പ്രതികളായ തളിപ്പറമ്പ് അരിയില്‍ ഷുക്കൂര്‍ വധക്കേസിന്റെ ഗൂഢാലോചന പുറത്തുകൊണ്ടുവരാന്‍ ഹൈക്കോടതി സിബിഐയുടെ തുടരന്വേഷണം പ്രഖ്യാപിച്ചതില്‍ ഏറ്റവും കൂടുതല്‍ സന്തോഷിക്കുന്നത് മകനെ എന്നേക്കുമായി നഷ്ടപ്പെട്ട ഒരു ഉമ്മയാണ്. കൊല്ലപ്പെട്ട ഷുക്കൂറിന്റെ ഉമ്മ ആത്തിക്ക. ഹൈക്കോടതി ഉത്തരവിനോട് ഹൃദയവേദനയോടെയാണ് ആ ഉമ്മ പ്രതികരിച്ചത്. 'ഒരു കുറ്റവും ചെയ്യാത്ത എന്റെ മകനെയാണ് അവര്‍ കൊന്ന് കളഞ്ഞത്. അന്ന് മുതല്‍ ഇന്ന് വരെ ഞാന്‍ ഉറങ്ങിയിട്ടില്ല. നിയമത്തില്‍ വിശ്വാസമുണ്ട്. നിയമത്തിന് മുമ്പില്‍ യഥാര്‍ത്ഥ പ്രതികള്‍ പിടിയിലാകുമെന്ന് ഉറച്ച് വിശ്വസിക്കന്നു. ഞാന്‍ ജീവിക്കുന്നത് തന്നെ നീതി ലഭിക്കുമെന്ന പ്രതീക്ഷയിലാണ്. പോലീസും കമ്മ്യുണിസ്റ്റ്കാരും ഒത്തുകളിക്കുകയാണ്. സത്യം പുറത്ത് വരും അന്വേഷണം സി ബി ഐ ക്ക് വിട്ടതില്‍ അല്ലാഹുവിന് നന്ദി'.
തന്റെ മകന്റെ കൊലപാതകത്തിന് കാരണക്കാരായവര്‍ക്ക് പരമാവധി ശിക്ഷ നല്‍കി കാണുന്നതിനായി ഇന്നും പ്രതീക്ഷയോടെ കാത്തിരിക്കുകയാണ് ആ ഉമ്മ. സംരക്ഷിക്കേണ്ട പോലീസും കൊലയാളികള്‍ക്കെപ്പം ഒത്തുകളിച്ച് പ്രതികളെ സംരംക്ഷിക്കുന്ന ഘട്ടത്തിലാണ് സിബിഐ അന്വേഷണം എന്ന ആവശ്യവുമായി മുന്നോട്ട് പോകുവാന്‍ തീരുമാനിച്ചത്.
യൂത്ത് ലീഗ് പ്രവര്‍ത്തകന്‍ പട്ടുവം അരിയില്‍ അബ്ദുല്‍ ഷുക്കൂര്‍ (21) 2012 ഫെബ്രുവരി 20ന് ആണു കൊല്ലപ്പെട്ടത്. സിപിഎം കണ്ണൂര്‍ ജില്ലാ സെക്രട്ടറി പി. ജയരാജനും ടി.വി. രാജേഷ് എംഎല്‍എയും സഞ്ചരിച്ച വാഹനം തളിപ്പറമ്പിനു സമീപം പട്ടുവത്ത് യൂത്ത് ലീഗ് പ്രവര്‍ത്തകര്‍ ആക്രമിച്ചു മണിക്കൂറുകള്‍ക്കകമാണു സമീപത്തെ സിപിഎം ശക്തികേന്ദ്രമായ ചെറുകുന്ന് കീഴറയില്‍ സിപിഎം പ്രവര്‍ത്തകര്‍ ഷുക്കൂറിനെ തടഞ്ഞു വച്ചു കൊലപ്പെടുത്തിയത്. വാഹനം ആക്രമിക്കപ്പെട്ടതിനെ തുടര്‍ന്നു ജയരാജനും രാജേഷും ചികില്‍സ തേടിയ തളിപ്പറമ്പ് സഹകരണ ആശുപത്രി കേന്ദ്രീകരിച്ചു സിപിഎം പ്രാദേശിക നേതാക്കള്‍ ഗൂഢാലോചന നടത്തി ഷുക്കൂറിനെ കൊലപ്പെടുത്തിയെന്നാണു കേസ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha