കണ്ണൂർ ഇരിട്ടിയിൽ പുലർച്ചെയുണ്ടായ ശക്തമായ ചുഴലിക്കാറ്റിലും വേനൽമഴയിലും വ്യാപക നാശനഷ്ടം. ഇരിട്ടി നഗരസഭയിലും പരിസര പഞ്ചായത്തുകളിലുമായി ഏഴോളം വീടുകൾ ഭാഗികമായി തകർന്നു. മരങ്ങൾ കടപുഴകി വീണും വീടിന്റെ മേൽക്കൂരകൾ പറന്നുപോയുമാണ് നാശനഷ്ടങ്ങൾ ഉണ്ടായത്. മേഖലയിൽ വൻതോതിൽ കൃഷിനാശവും റിപ്പോർട്ട് ചെയ്തിട്ടുണ്ട്. ഇതിനിടെ സംസ്ഥാനത്ത്, പ്രത്യേകിച്ച് തെക്കൻ ജില്ലകളിൽ, മാർച്ച് 23 വരെ ഇടിമിന്നലോടു കൂടിയ വേനൽമഴ തുടരാൻ സാധ്യതയുണ്ട്. തമിഴ്‌നാടിന് മുകളിലുള്ള ചക്രവാതച്ചുഴിയും കർണാടക വരെയുള്ള ന്യൂനമർദപാത്തിയുമാണ് ഈ മഴയ്ക്ക് കാരണം. മഴ പെയ്യുമെങ്കിലും അന്തരീക്ഷത്തിലെ ഈർപ്പം (Humidity) കൂടുന്നതിനാൽ പകൽ സമയങ്ങളിൽ വിയർപ്പും അസ്വസ്ഥതയും തുടരും...