എംആര് അജിത് കുമാറിന് ക്ലീന് ചിറ്റ് നല്കിയ വിജിലന്സ് റിപ്പോര്ട്ട് മടക്കി ഡയറക്ടര്...
എംആര് അജിത് കുമാറിന് ക്ലീന് ചിറ്റ് നല്കിയ വിജിലന്സ് റിപ്പോര്ട്ട് മടക്കി ഡയറക്ടര്. കൂടുതല് കാര്യങ്ങളില് വ്യക്തത വേണമെന്ന് വിജിലന്സ് ഡയറക്ടര് യോഗേഷ് ഗുപ്ത അന്വേഷണ സംഘത്തോട് ആവശ്യപ്പെടുകയായിരുന്നു.
തിരുവനന്തപുരം സ്പെഷ്യല് ഇന്വസ്റ്റിഗേഷന് യൂണിറ്റ് എസ്പിയാണ് അന്വേഷണം നടത്തിയത്. വ്യക്തത ആവശ്യമായ കാര്യങ്ങള് ചൂണ്ടികാട്ടി റിപ്പോര്ട്ട് അന്വേഷണ ഉദ്യോഗസ്ഥന് ഡയറക്ടര് മടക്കി അയയ്ക്കുകയായിരുന്നു. കൂടുതല് അന്വേഷണം നടത്തി ഫയലുമായി നേരിട്ട് ചര്ച്ചക്ക് വരാനും നിര്ദ്ദേശം നല്കിയിട്ടുണ്ട്.
എഡിജിപി എംആര് അജിത്കുമാറിനെതിരെ 4 ആരോപണങ്ങളാണ് പിവി അന്വര് എംഎല്എ ഉന്നയിച്ചത്. ഇതിലാണ് വിജിലന്സ് അന്വേഷണം നടന്നത്. കരിപ്പൂര് വഴിയുള്ള സ്വര്ണക്കടത്തിന് മലപ്പുറം എസ്പി സുജിത് ദാസ് ഒത്താശ ചെയ്തെന്നും ഇതിന്റെ വിഹിതം അജിത് കുമാറിനു ലഭിച്ചു എന്നുമായിരുന്നു പ്രധാന ആരോപണമുയര്ന്നത്.
https://www.facebook.com/Malayalivartha
