മാതൃ സഹോദരിയുടെ വീട്ടിൽ അവധി ആഘോഷിക്കാനെത്തിയ പെൺകുട്ടി പുഴയിൽ മുങ്ങിമരിച്ചു. നാദാപുരം കുമ്മങ്കോട് എളയടം കിഴക്കേതയ്യിൽ ജമാലിന്റെയും ആയിഷയുടെയും മകൾ നജ ഫാത്തിമയാണ് (17) കുറ്റ്യാടി പുഴയിൽ അടുക്കത്ത്​ പുത്തൻപീടിക ഭാഗത്ത്​​ മുങ്ങിമരിച്ചത്.

ആയിഷയുടെ സഹോദരി സമീറയുടെ അടുക്കത്തെ​ കൊറ്റോത്തുമ്മൽ വലിയകത്ത്​ വീട്ടിൽ വന്ന പെൺകുട്ടി മാതൃസഹോദരിമാരുടെ രണ്ടു മക്കൾക്കൊപ്പം തോട്ടത്താങ്കണ്ടി പാലത്തിനു സമീപത്ത് കടവിൽ കുളിക്കാനിറങ്ങിയപ്പോഴാണ്​ ഒഴുക്കിൽപെട്ട്​ മുങ്ങിപ്പോയത്​. മറ്റു കുട്ടികൾ ഒച്ചവെച്ചതിനെ തുടർന്ന്​ ഓടിയെത്തിയ നാട്ടുകാർ പുഴയിൽ നിന്ന് മുങ്ങിയെടുത്ത് അടുത്തുള്ള​ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാൻ കഴിഞ്ഞില്ല.

തൊട്ടിൽപാലം പൊലീസ്​ ഇൻക്വസ്റ്റ്​ നടത്തിയ മൃതദേഹം പോസ്റ്റുമോർട്ടത്തിനു​ശേഷം ബന്ധുക്കൾക്ക്​ വിട്ടുനൽകി. കടമേരി ആർ.എ.സി ഹയർ സെക്കൻഡറി സ്കൂൾ പ്ലസ്​ വൺ വിദ്യാർഥിനിയായിരുന്നു ​ .