ഗീത ഐസക്കിനെ പിന്തുടര്ന്ന് കുത്തുന്നു; ധനമന്ത്രി തോമസ് ഐസക്കും മുഖ്യമന്ത്രി പിണറായി വിജയനും വീണ്ടും ഇടയുന്നു
ധനമന്ത്രി തോമസ് ഐസക്കും മുഖ്യമന്ത്രി പിണറായി വിജയനും വീണ്ടും ഇടയുന്നു. മുഖ്യമന്ത്രിയുടെ സാമ്പത്തിക ഉപദേഷ്ടാവ് ഗീതാ ഗോപിനാഥ് നോട്ട് പിന്വലിക്കലുമായി ബന്ധപ്പെട്ട് നടത്തിയ ചില നിരീക്ഷണങ്ങള് സോഷ്യല് മീഡിയയില് ചര്ച്ചയാക്കിയത് ഡോ. തോമസ് ഐസക്കുമായി ബന്ധപ്പെട്ട കേന്ദ്രങ്ങളാണെന്ന് മുഖ്യമന്ത്രി സംശയിക്കുന്നു. സോഷ്യല് മീഡിയയില് ഐസക്കിനുള്ള അപ്രമാദിത്യമാണ് മുഖ്യമന്ത്രിയെ സംശയമുനയില് നിര്ത്തുന്നത്.
സംസ്ഥാന സര്ക്കാരില് നിന്നും വ്യത്യസ്തമായ അഭിപ്രായങ്ങള് പറയാന് ഗീതാഗോപിനാഥിന് അവകാശമുണ്ടെന്ന പിണറായിയുടെ പ്രസ്താവന ഐസക്ക് പക്ഷത്തിനേറ്റ തിരിച്ചടിയായി മാറി. അതിനിടെ ഗീതയുടെ അഭിപ്രായം നരേന്ദ്രമോദിക്ക് അനുകൂലമായ പശ്ചാത്തലത്തില് അവരെ മാറ്റണമെന്ന ആവശ്യം കേന്ദ്ര നേതൃത്വത്തിലും ശക്തമാണ്. ഇതുസംബന്ധിച്ച് മുഖ്യമന്ത്രിയും സി.പി.എം. ജനറല് സെക്രട്ടറിയും തമ്മില് ആശയവിനിമയം നടത്തിയതായി അറിയുന്നു. പിണറായി സര്ക്കാര് നരേന്ദ്രമോദിയെ നഖശിഖാന്തം എതിര്ക്കുമ്പോള് പിണറായിയുടെ സാമ്പത്തിക ഉപദേഷ്ടാവ് ഇത്തരത്തില് പ്രതികരിച്ചത് ശരിയായില്ലെന്നാണ് ഐസക്ക് അനുകൂലികള് രഹസ്യമായി പറയുന്നത്. എന്നാല് അക്കാര്യങ്ങള് തുറന്നുപറയാന് ഐസക്ക് അനുകൂലികള്ക്ക് കഴിയുന്നില്ല.
സംസ്ഥാന സര്ക്കാരിന്റെ സാമ്പത്തിക ഉപദേഷ്ടാവിനെ നീക്കാന് കേന്ദ്രനേതൃത്വം നിര്ദ്ദേശം നല്കാന് സാധ്യതയില്ല. അങ്ങനെ നിര്ദ്ദേശം നല്കിയാലും അത് പിണറായി വിജയന് അംഗീകരിക്കാന് തരമില്ല. യച്ചൂരിയും പിണറായിയും തമ്മിലുള്ള ബന്ധം ദൃഢതരമല്ല. ഗീതാഗോപിനാഥ് തന്റെ സാമ്പത്തിക ഉപദേഷ്ടാവ് മാത്രമാണെന്നും സര്ക്കാര് ഉദ്യോഗസ്ഥയല്ലെന്നും പിണറായി പറയുന്നു.
ഗീതാഗോപിനാഥിന്റെ വിഷയം നിരന്തരം ചര്ച്ചയാക്കുന്നതിനു പിന്നില് തോമസ് ഐസക്കിന്റെ കരങ്ങള് ഉണ്ടെന്നുതന്നെയാണ് പിണറായിക്ക് സംശയം. താന് വലിയ സാമ്പത്തിക വിദഗ്ദ്ധനായുള്ളപ്പോള് ഗീതയെ ഉപദേഷ്ടാവായി നിയമിച്ചതിലാണ് ഐസക്കിന് അസ്കിത. അത് വളര്ന്നു വളര്ന്ന് വലിയ പ്രതിസന്ധിയിലേക്കാണ് നീങ്ങിക്കൊണ്ടിരിക്കുന്നത്. ഏതായാലും വിവാദം കൊഴുക്കുമ്പോള് ഗീതാഗോപിനാഥിനാണോ പിണറായിക്കാണോ അബദ്ധം സംഭവിക്കുന്നതെന്ന് കണ്ടറിയാം.
https://www.facebook.com/Malayalivartha
