ജിഷ്ണുവിന്റെ മരണം സര്‍ക്കാര്‍ ഗൗരവമായി കാണുമെന്ന് വിദ്യാഭ്യാസമന്ത്രി രവീന്ദ്രനാഥ്
പാമ്പാടി നെഹ്‌റു എന്‍ജിനീയറിങ് കോളജിലെ വിദ്യാര്‍ഥി ജിഷ്ണു പ്രണോയിയുടെ മരണത്തെ സര്‍ക്കാര്‍ ഗൗരവമായി കാണുന്നുവെന്ന് വിദ്യാഭ്യാസ മന്ത്രി സി. രവീന്ദ്രനാഥ്. ജിഷ്ണുന്റെ അമ്മയെ സന്ദര്‍ശിച്ചശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ഇത്തരം സംഭവങ്ങള്‍ ഒരിക്കലും ആവര്‍ത്തിക്കപ്പെടരുത്. സംഭവം ഉണ്ടായി വളരെ പെട്ടെന്ന് തന്നെ സംസ്ഥാന സര്‍ക്കാര്‍ െ്രെകംബ്രാഞ്ച് അന്വേഷണത്തിന് ഉത്തരവിട്ടിരുന്നു. മന്ത്രിസഭയില്‍ ഇക്കാര്യം വിശദമായി ചര്‍ച്ച ചെയ്യുകയുണ്ടായി. ഇത്തരം സംഭവങ്ങള്‍ ഇനി ഉണ്ടാവാതിരിക്കത്തക്ക രീതിയില്‍ ദീര്‍ഘവീക്ഷണത്തോടുകൂടി സംസ്ഥാന സര്‍ക്കാര്‍ നടപടികള്‍ എടുത്തിട്ടുണ്ട്.
കഴിഞ്ഞ ദിവസം സ്വാശ്രയ കോളജുകളുടെ പ്രവര്‍ത്തനം പരിശോധിക്കാന്‍ ഉന്നതതല സമിതിയെ നിയോഗിക്കാന്‍ മന്ത്രിസഭയും വിദ്യാര്‍ഥികളുടെ പരാതി പരിഗണിക്കാന്‍ ഓംബുഡ്‌സ്മാന്‍ സംവിധാനം ഏര്‍പ്പെടുത്താന്‍ സാങ്കേതിക സര്‍വകലാശാല ബോര്‍ഡ് ഓഫ് ഗവേണേഴ്‌സും തീരുമാനിച്ചിരുന്നു.
https://www.facebook.com/Malayalivartha
