പാകിസ്താനിലേക്ക് പോകാന്‍ സംഘപരിവാറിനോട് ടിക്കറ്റ് ആവശ്യപ്പെട്ട് കവി കുരീപ്പുഴ ശ്രീകുമാര്‍. ഖൈബര്‍ ചുരം കാണാനും ലാലാ ലജ്പത്‌റായ് എന്ന നക്ഷത്രം പൊലിഞ്ഞു വീണ സ്ഥലം കാണുന്നതിനും ധീരദേശാഭിമാനി ഭഗത് സിങിന്റെ ശവകുടീരം സന്ദര്‍ശിക്കാനും തനിക്ക് താല്‍പര്യമുണ്ട്. അതിനാല്‍ സംഘപരിവാര്‍ സംഘടനകല്‍ ടിക്കറ്റെടുത്തു തന്നാല്‍ നന്നായി എന്ന് കുരീപ്പുഴ പറഞ്ഞു. കൊല്ലം ജില്ലയിലെ ഓയൂരില്‍ ആര്‍എസ്എസ് അസഹിഷ്ണുതക്കെതിരെ പ്രതിഷേധ കൂട്ടായ്മ ഉദ്ഘാടനം ചെയ്ത് സംസാരിക്കുകയായിരുന്നു കുരീപ്പുഴ.