നിങ്ങളുടെ കുട്ടികളുടെ ഫെയ്‌സ്ബുക്ക് ഫോട്ടോകള്‍ എത്തുന്നത് പോണ്‍,ഡേറ്റിങ് വെബ്‌സൈറ്റുകളില്‍
എല്ലാം എത്തുന്നത് ചതിക്കുരുക്കുകളില്‍. ഫെയ്‌സ്ബുക്ക് ഉള്‍പ്പെടെയുള്ള സാമൂഹ്യമാധ്യമങ്ങളിലെ ചതിക്കുരുക്ക് മുറുകുന്നതായി റിപ്പോര്‍ട്ട്. സാമൂഹ്യമാധ്യമങ്ങളില്‍ പോസ്റ്റ് ചെയ്യുന്ന ഫോട്ടോസ് അശ്ശീല ഡേറ്റിങ് വെബ്‌സെറ്റുകളില്‍ ഷെയര്‍ ചെയ്യുന്നുവെന്നാണ് റിപ്പോര്‍ട്ടുകള്‍. കുട്ടികളുടെ ചിത്രങ്ങളാണ് ഇത്തരത്തില്‍ ദുരുപയോഗം ചെയ്യുന്നതില്‍ അധികവും.
ട്രാക്ക് ചെയ്യാന്‍ പറ്റാത്ത പല ഇമേജ് ഷെയറിങ് വെബ്‌സൈറ്റുകളിലൂടെയുമാണ് ഇത്തരത്തില്‍ ഫോട്ടോസ് ദുരുപയോഗം നടക്കുന്നത്. വിനോദ യാത്രകളില്‍ കുട്ടികള്‍ കുളിക്കുന്നതും നീന്തുന്നതും ഉള്‍പ്പെടെയുള്ള ചിത്രങ്ങളാണ് ഇത്തരം വെബ്‌സൈറ്റുകാര്‍ക്ക് പ്രിയം. ഈ വെബ്‌സൈറ്റുകളില്‍ കണ്ടെത്തിയതില്‍ ഭൂരിപക്ഷവും ഫെയ്‌സ്ബുക്ക്, ഇന്‍സ്റ്റഗ്രാം എന്നിവയില്‍ നിന്ന് ഡൗണ്‍ലോഡ് ചെയ്തവയാണ്.
ഓണ്‍ലൈന്‍ വഴി പെണ്‍വാണിഭം കേരളത്തിലുള്‍പ്പെടെ വര്‍ധിച്ചുവരുന്ന സാഹചര്യത്തില്‍ സാമൂഹ്യമാധ്യമങ്ങള്‍ക്ക് കൂച്ചുവിലങ്ങിടാന്‍ കഴിയാത്ത സാഹചര്യമാണ് നിലവിലുള്ളത്. കുട്ടികളോടൊപ്പം യുവതികളുടെയും സിനിമാ നടിമാരുടെയും ചിത്രങ്ങള്‍ അശ്ശീല വെബ്‌സൈറ്റുകളില്‍ പ്രൊഫൈല്‍ ചിത്രമായി കാണാം. ഓണ്‍ലൈന്‍ ഫാമിലി ബ്ലോഗുകളില്‍ നിന്ന് ഡൗണ്‍ലോഡ് ചെയ്ത
ചിത്രങ്ങളും കാണാം.
സാമൂഹ്യമാധ്യമങ്ങളില്‍ നിന്ന് ഏതു ഫോട്ടോയും ഡൗണ്‍ലോഡ് ചെയ്യാമെന്നതാണ് ഇത്തരക്കാര്‍ മുതലെടുക്കുന്നത്. മൈ ഡോട്ടേഴ്‌സ്, ഇന്‍സ്റ്റഗ്രാം ഫ്രണ്ട്‌സ്, കിഡ്‌സ് അറ്റ് ബീച്ച്, ജിനംനാസ്റ്റിക്‌സ് എന്നിവയാണ് ഇത്തരം ചില ഫോള്‍ഡറുകള്‍ക്ക് നല്‍കിയിരിക്കുന്ന പേരുകള്‍. ഇത്തരത്തില്‍ ഉള്ളവയൂം കുട്ടികള്‍ക്ക് നേരെയുള്ള ലൈംഗീക അതിക്രമത്തില്‍ പെടുമെന്ന് നിയമഗവിദഗ്ദര്‍ വ്യക്തമാക്കുന്നു.
ഫെയ്‌സ്ബുക്കില്‍ ഉള്‍പ്പെടെ ഏതു സ്വകാര്യ ഫോട്ടോയും പോസ്റ്റ് ചെയ്യുമ്പോള്‍ ഇനി ഏങ്കിലും ജാഗ്രതൈ... അതുമല്ലെങ്കില്‍ സ്വകാര്യ ചിത്രങ്ങള്‍ പ്രിയപ്പെട്ടവര്‍ക്ക് മാത്രം കാണാവുന്ന വിധം ലോക്കഡ് ഗ്രൂപ്പുകളിലൂടെ ഷെയര്‍ ചെയ്യാന്‍ പ്രത്യേകം ശ്രദ്ധിക്കുക
https://www.facebook.com/Malayalivartha
