മുന്തിരിവള്ളികള് തളിര്ക്കുന്നു; പിണറായിയും ലീഗും അടുക്കുന്നു
ആരോരുമറിയാതെ സിപിഎം മുസ്ലീം ലീഗിനോട് അടുക്കുന്നു. ഇ അഹമ്മദിന്റെ പേരിലാണ് അടുപ്പം എന്നതാണ് രസകരം. ഇങ്ങനെയാണ് പോക്കെങ്കില് അടുത്ത നിയമസഭാ തെരഞ്ഞടുപ്പിന്റെ സമയമാവുമ്പോള് ലീഗ് പതിയെ എല്ഡിഎഫിനൊപ്പം പോകും.
പി.കെ.കുഞ്ഞാലിക്കുട്ടിയുമായി ഏറെ അടുപ്പം പുലര്ത്തുന്ന നേതാവാണ് പിണറായി വിജയന്. പഴയ ഐസ് ക്രീം കേസ് ഒത്തു തീര്ക്കാന് ഇ.കെ.നായനാര് മന്ത്രിസഭയുടെ കാലത്ത് കുഞ്ഞാലിക്കുട്ടിക്ക് സിപിഎം കണ്ണൂര് ലോബിയുടെ സഹായം ലഭിച്ചിരുന്നു.
രാജ്യത്തിന്റെ യഥാര്ത്ഥ അംബാസിഡറായി നിലകൊണ്ട വിശ്വ പൗരനായിരുന്നു അമ്മദെന്ന് കഴിഞ്ഞ ദിവസം മുഖ്യമന്ത്രി കണ്ണൂരില് നടന്ന അനുസ്മരണ സമ്മേളനത്തില് പങ്കെടുത്ത് പറഞ്ഞിരുന്നു. ഇതേ യോഗത്തില് പി.കെ.കുഞ്ഞാലിക്കുട്ടി ഉള്പ്പെടെയുള്ള ലീഗ് നേതാക്കള് പങ്കെടുത്തിരുന്നു.
അഹമ്മദ് മരിച്ചപ്പോള് കോണ്ഗ്രസിനെക്കാളും തീവ്രമായി പ്രതികരിച്ചത് സി പി എമ്മാണ്. സിപിഎമ്മിന്റെ ദേശീയ നേതാക്കള് തന്നെ അഹമ്മദിന്റെ മരണം അന്വേഷിക്കണമെന്നാവശ്യപ്പെട്ട് രംഗത്തിറങ്ങി.
ബിജെപിയെ ഒതുക്കാന് െ്രെകസ്തവ ഇസ്ലാം മതവിശ്വാസികളുമായി അടുക്കണമെന്ന് സിപിഎം നേരത്തെ തീരുമാനിച്ചിരുന്നു. െ്രെകസ്തവ സഭകളിലേക്ക് പാലം വലിക്കാന് കേരള കോണ്ഗ്രസ് മാണി ഗ്രൂപ്പിനെ യഥാസമയം സിപിഎം ഉപയോഗിക്കും. ലീഗാണ് അവര്ക്കു മുമ്പിലെ പ്രതിബന്ധം. അതിനുള്ള ശ്രമങ്ങളാണ് സിപിഎം നടത്തുന്നത്. ഇക്കാര്യത്തില് സിപിഐ യെ പോലുള്ള ഈര്ക്കില് കക്ഷികളുടെ എതിര്പ്പ് സിപിഎം ഗൗനിക്കില്ല.
ദേശീയ തലത്തില് ഇടതുകക്ഷികളും കോണ്ഗ്രസും ഒന്നായി നിന്ന് ബിജെപിയെ എതിര്ക്കാനുള്ള സാഹചര്യം സംജാതമാവുകയാണ്. ബിജെപിയെ തകര്ത്തില്ലെങ്കില് മതേതര കക്ഷികള് വന് വെല്ലുവിളി അനുഭവിക്കേണ്ടി വരുമെന്ന കാര്യം ഉറപ്പായിക്കഴിഞ്ഞു. 2019ലെ തെരഞ്ഞടുപ്പില് കോണ്ഗ്രസും ഇടതുപക്ഷവും ഒരേ ചേരിയിലും ബി ജെ പി മറുചേരിയിലും അണിനിരക്കും. അപ്പോള് കോണ്ഗ്രസിനോടുള്ള തൊട്ടുകൂടായ്മ സി പി എം കേരളത്തിലും ഉപേക്ഷിക്കും.
ലീഗും മാണിയും ഇടതുപാളയത്തെത്തിയാല് അടുത്ത നിയമസഭാ തെരഞ്ഞടുപ്പിലും കേരളത്തില് ഇടതിനു ജയിച്ചു കയറാനാകും. കോണ്ഗ്രസ് അനുദിനം ദുര്ബലമായി കൊണ്ടിരിക്കുകയാണ്. സംസ്ഥാന കോണ്ഗ്രസ് രാഷ്ട്രീയത്തില് നിന്നുള്ള ഉമ്മന് ചാണ്ടിയുടെ വിട്ടു നില്ക്കല് പാര്ട്ടിക്ക് വന് ആഘാതമാണ് സൃഷ്ടിച്ചിരുന്നത്. ഉമ്മന് ചാണ്ടിയുമായി ലീഗിനും മാണിക്കുമുള്ള ബന്ധം വിവരണാതീതമാണ്.
യുഡിഎഫ് സര്ക്കാരിന്റെ കാലത്ത് എളമരം കരീം പ്രതിയായ ചക്കിട്ടപാറ ഖനനാനുമതി കേസ് കുഞ്ഞാലിക്കുട്ടി ഇടപെട്ട് ഒരുക്കിയത് മറക്കാറായിട്ടില്ല. കുഞ്ഞാലിക്കുട്ടിക്ക് വിരോധം അച്യുതാനന്ദനോട് മാത്രമാണ്. പിണറായിയ്ക്കും അദ്ദേഹത്തോട് മാത്രമാണ് വിരോധം.
https://www.facebook.com/Malayalivartha
