തിരുവനന്തപുരത്തെ അന്താരാഷ്ട്ര വിമാനത്താവളത്തില്‍ വന്‍ സ്വര്‍ണ വേട്ട. ഗുളിക രൂപത്തിലാക്കി വിഴുങ്ങിയ നിലയില്‍ ഒന്നരക്കിലോ സ്വര്‍ണ്ണമാണ് പിടിച്ചെടുത്തത്. ക്വലാലംപൂരില്‍ നിന്നെത്തിയ എട്ട് യാത്രക്കാരില്‍ നിന്നായാണ് സ്വര്‍ണ്ണം പിടിച്ചെടുത്ത്. ഏഴു പുരുഷന്‍മാരും ഒരു സ്ത്രീയുമായിരുന്നു സ്വര്‍ണ്ണക്കടത്ത് സംഘത്തിലുണ്ടായിരുന്നത്.
പിടികൂടാതിരിക്കാന്‍ സംഘത്തിലെ പുരുഷന്മാര്‍ സ്വര്‍ണം ഗുളിക രൂപത്തിലാക്കി വിഴുങ്ങുകയായിരുന്നു. വൈദ്യപരിശോധയില്‍ ഇവ കണ്ടെത്തി. ഇവര്‍ നിരീക്ഷണത്തിലാണെന്ന് കസ്റ്റംസ് ഉദ്യോഗസ്ഥര്‍ പറഞ്ഞു.