കേരളത്തിലെ യാത്രക്കാരുടെ സുരക്ഷ ഉറപ്പാക്കണമെന്ന് കര്ണാടകയോട് മുഖ്യമന്ത്രി
കോഴിക്കോടുനിന്നും ബംഗളൂരുവിലേയ്ക്ക് പോയ കെ.എസ്.ആര്.ടി.സി ബസിലെ യാത്രക്കാരെ മോഷ്ടാക്കള് കൊള്ളയടിച്ചതിനെ തുടര്ന്ന് മുഖ്യമന്ത്രി പിണറായി വിജയന് പ്രശ്നത്തില് ഇടപെട്ടു. കേരളത്തില് നിന്നുള്ള യാത്രക്കാരുടെ സുരക്ഷ ഉറപ്പാക്കാന് നടപടികള് സ്വീകരിക്കണമെന്ന് മുഖ്യമന്ത്രി കര്ണാടക സര്ക്കാരിനോട് ആവശ്യപ്പെട്ടു.
അക്രമികള്ക്കെതിരെ ശക്തമായ നടപടികള് എടുക്കണം. ഇത്തരം സംഭവങ്ങള് ആവര്ത്തിക്കാതിരിക്കാന് കേരള കര്ണാടക അതിര്ത്തിയില് മുന്കരുതലുകള് എടുക്കണം. അന്തര് സംസ്ഥാന പാതയില് കേരള പൊലീസ് ജാഗ്രത പുലര്ത്തുമെന്ന് മുഖ്യമന്ത്രി പറഞ്ഞു. യാത്രക്കാര്ക്ക് സുരക്ഷ ഒരുക്കുന്നത് സംബന്ധിച്ച് കേരളാ പൊലീസ് മേധാവി ലോക്നാഥ് ബെഹ്റ കര്ണാടക ഡി.ജി.പിയുമായി ചര്ച്ച നടത്തി.കൊള്ളയടിക്കപ്പെട്ടവര്ക്ക് ആവശ്യമായ സഹായം നല്കണമെന്നും ഡി.ജി.പി.ആവശ്യപ്പെട്ടിട്ടുണ്ട്.
കോഴിക്കോട് നിന്ന് ബംഗളൂരുവിലേക്ക് പോയ ബത്തേരി ഡിപ്പോയിലെ ആര്.പി.കെ 271 നമ്പര് സൂപ്പര്ഫാസ്റ്റിലെ യാത്രക്കാരാണ് കൊള്ളയ്ക്കിരയായത്. ഇന്ന് പുലര്ച്ചെ രണ്ടേ മുക്കാലോടെ ബംഗളൂരുമൈസൂര് പാതയില് ചിക്കനെല്ലൂര് എന്ന സ്ഥലത്ത് വച്ചാണ് കൊള്ള നടന്നത്.
വയനാട് സ്വദേശി സഹീറയുടെ കഴുത്തിലുണ്ടായിരുന്ന രണ്ടര പവന് തൂക്കം വരുന്ന സ്വര്ണാഭരണവും ഇവരുടെ സഹോദന് എ.പി നൗഷാദിന്റെ പണവും കൊള്ളയടിച്ചു. കോഴിക്കോട് കുറ്റിയാടി സ്വദേശി ബാബുരാജ്, ഇയാളുടെ സുഹൃത്ത് എന്നിവരും കൊള്ളക്കിരയായി.
https://www.facebook.com/Malayalivartha
