ബി​നോ​യ് കോ​ടി​യേ​രി നൽകാനുള്ള മുഴുവൻ തുകയുടെ വിശദാംശങ്ങളും താൻ ഇന്ത്യയിൽ നേരിടേണ്ടി വന്ന അനുഭവങ്ങളും കോടതിക്ക് മുന്നിൽ തുറന്നു കാട്ടി ജാ​സ് കമ്പനി ഉ​ട​മ ഹ​സ​ൻ ഇ​സ്മ​യി​ൽ അ​ബ്ദു​ള്ള അ​ൽ​ മ​ർ​സൂ​ഖി രംഗത്തെത്തിയിരിക്കുകയാണ്. ബിനോയ് നൽകാനുള്ള 13 കോടി രൂപ തീർത്തും നൽകാതെ ഇനി കേരളം കാണാൻ കഴിയില്ലെന്നാണ് അഭിഭാഷകർ പറയുന്നത്.

ഈ മാസം ഒന്നാം തീയതി ജാ​സ് കമ്പനി ബി​നോ​യ് കോ​ടി​യേ​രി​ക്കെ​തി​രെ ദു​ബാ​യ് കോ​ട​തി​യി​ൽ ഒ​രു ചെ​ക്കി​ന്‍റെ തു​ക​യാ​യ പ​ത്തു​ല​ക്ഷം ദി​ർ​ഹം(1.74 കോ​ടി രൂ​പ) ത്തിന്റെ സി​വി​ൽ കേ​സ് ര​ജി​സ്റ്റ​ർ ചെയ്ത പശ്ചാത്തലത്തിലായിരുന്നു ബിനോയ്ക്ക് യാത്ര വിലക്ക് നേരിടേണ്ടി വന്നത്. ഈ കേസിന്റെ അടിസ്ഥനത്തിലായിരുന്നു ബിനോയ് യാ​ത്രാ​വി​ല​ക്ക് നീ​ക്കാ​നാ​യി മേ​ൽ​ക്കോ​ട​തി​യാ​യ ദു​ബാ​യ് ഫ​സ്റ്റ് ഇ​ൻ​സ്റ്റ​ൻ​സ് കോ​ട​തി​യെ സ​മീ​പി​ച്ചത്.

കോടതി നിർദ്ദേശ പ്രകാരം ബാ​ങ്ക് ഗ്യാ​ര​ണ്ടി​യോ ത​ത്തു​ല്യ​മാ​യ തു​ക​യോ അ​ട​ച്ച് യാ​ത്രാ​വി​ല​ക്കു നീ​ക്കാ​നായുള്ള ശ്രമങ്ങൾക്കിടയിലാണ് എല്ലാ തെളിവുകളും രേഖകളും സാക്ഷ്യപ്പെടുത്തി അ​ൽ​മ​ർ​സൂ​ഖി​യു​ടെ പുതിയ നീക്കം.

അ​ൽ​മ​ർ​സൂ​ഖിയുടെ രേഘകൾ പ്രകാരം 13 കോ​ടി രൂ​പ​യോ അ​തി​നു ത​ത്തു​ല്യ​മാ​യ ബാ​ങ്ക് ഗ്യാ​ര​ണ്ടി​യോ യാ​ത്രാ​വി​ല​ക്ക് നീ​ക്കു​ന്ന​തി​നാ​യി ബി​നോ​യി​ക്കു ന​ൽ​കേ​ണ്ടി വ​രും. ഇതോടൊപ്പം തന്നെ തനിക്ക് ഇന്ത്യയിൽ അനുഭവിക്കേണ്ടി വന്ന ദുരനുഭവങ്ങളും മ​ർ​സൂ​ഖി രേ​ഖാ​മൂ​ലം കോ​ട​തി​യെ അ​റി​യി​ച്ചു. ഇ​ന്ത്യ​യി​ൽ എ​ത്തി​യ​തും അ​വ​ഗ​ണ​ന നേ​രി​ട്ട​തും അ​പ​ഹാ​സ്യ​നാ​യ​തു​മ​ട​ക്കം പ​ത്ര​സ​മ്മേ​ള​നം ന​ട​ക്കാ​തി​രു​ന്ന വി​വ​ര​ങ്ങ​ൾ വ​രെ കോ​ട​തി​യെ ബോ​ധി​പ്പി​ച്ച​താ​യാ​ണ് സൂ​ച​ന.

ബി​നോ​യ് കോ​ടി​യേ​രി​യു​ടെ സ്വ​ന്തം പേ​രി​ലു​ള്ള​തും കമ്പനി​യു​ടെ പേ​രി​ലു​ള്ള​തു​മാ​യ ചെ​ക്കു​ക​ൾ, സാമ്പത്തിക ഇ​ട​പാ​ട് സാ​ധൂ​ക​രി​ക്ക​ത്ത​ക്ക വി​ധ​ത്തി​ലു​ള്ള മ​റ്റു തെ​ളി​വു​ക​ൾ, കൂ​ടാ​തെ ആ​വ​ശ്യ​മാ​യി മ​റ്റു​രേ​ഖ​ക​ൾ എ​ന്നി​വ​യാ​ണ് ക​ഴി​ഞ്ഞ ദി​വ​സം മ​ർ​സൂ​ഖി ദു​ബാ​യ് കോ​ട​തി​യി​ൽ ഫ​യ​ൽ ചെ​യ്തി​രി​ക്കു​ന്ന​ത്.

സാമ്പത്തിക പ്രശ്നങ്ങളാൽ കേരളത്തിലായിരുന്ന ബിനോയ് ഇ​ട​പാ​ടു​മാ​യി ബ​ന്ധ​പ്പെ​ട്ട ക്രി​മി​ന​ൽ കേ​സി​ൽ പി​ഴ ഒ​ടു​ക്കി ദു​ബാ​യ് ക്രി​മി​ന​ൽ മ​ന്ത്രാ​ല​യ​ത്തി​ന്‍റെ ക്ലി​യ​റ​ൻ​സ് സ​ർ​ട്ടി​ഫി​ക്ക​റ്റ് ല​ഭി​ച്ച​തി​നെ തു​ട​ർ​ന്നാ​യി​രു​ന്നു തിരികെ ദുബായിൽ എത്തിയത്. ഇതോടെയാണ് സി​വി​ൽ​കേ​സ് ര​ജി​സ്റ്റ​ർ ചെ​യ്യ​പ്പെ​ട്ട​തും യാ​ത്രാ​വി​ല​ക്ക് ഉ​ണ്ടാ​യ​തും.

ബി​നോ​യി​ക്കും ശ്രീ​ജി​ത്തി​നും നൽകിയ തുക ലഭിക്കാതെ വന്നപ്പോഴാണ് താൻ ഇന്ത്യയിലേക്കെത്തിയതെന്നാണ് അ​ൽ​മ​ർ​സൂ​ഖി​ പ്രതികരിച്ചിരിക്കുന്നത്. പ​ണം തി​രി​കെ ല​ഭി​ക്കു​ക എ​ന്ന​തു മാ​ത്ര​മാ​യി​രു​ന്നു ത​ന്‍റെ വ​ര​വി​ന്‍റെ ലക്ഷ്യമെന്നും അ​ൽ​മ​ർ​സൂ​ഖി കൂട്ടിച്ചേർത്തു.

ബി​നോ​യി​യു​ടെ പി​താ​വ് കോ​ടി​യേ​രി ബാ​ല​കൃ​ഷ്ണ​ൻ, ശ്രീ​ജി​ത്തി​ന്‍റെ പി​താ​വ് വി​ജ​യ​ൻ​പി​ള്ള എ​ന്നി​വ​രു​ൾ​പ്പെ​ട്ട സി​പി​എ​മ്മി​ന്‍റെ ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി ​എന്നിവരുമായി പ​ണ​മി​ട​പാടു സം​ബ​ന്ധി​ച്ച ച​ർ​ച്ച​യാ​യി​രു​ന്നു ഡ​ൽ​ഹി​യി​ൽ നടന്നത്. യെ​ച്ചൂ​രി​യോ​ട് പ​ണം തി​രി​കെ ല​ഭി​ക്കാ​നു​ള്ള സ​ഹാ​യം അ​ഭ്യ​ർ​ത്ഥി​ക്കു​ക​ മാത്രമാണ് ചെയ്തതെന്നും അ​ൽ​മ​ർ​സൂ​ഖി പറയുന്നു.

ഒ​രി​ക്ക​ലും ഈ ​വി​ഷ​യം വി​വാ​ദ​മാ​ക്കു​വാ​ൻ ആ​ഗ്ര​ഹി​ച്ചി​രു​ന്നി​ല്ലെ​ന്നും കേ​സു​മാ​യി മു​ന്നോ​ട്ട് പോകാൻ താ​ത്പ​ര്യ​മില്ലെന്നും പ​ണം തി​രി​കെ ല​ഭി​ച്ചാ​ൽ കേ​സ് പി​ൻ​വ​ലി്ക്കാ​ൻ ത​യാ​റാ​ണെ​ന്നും അ​ൽ മ​ർ​സൂ​ഖി പ​റ​ഞ്ഞ​തായി രാ​ഹു​ലി​ന്‍റെ അ​ഭി​ഭാ​ഷ​ക​ൻ അ​ഡ്വ. ജോ​സ് ആ​ല അ​ൽ​മ​ർ​സു​ഖി​യെ ഉ​ദ്ധ​രി​ച്ച് മാധ്യമങ്ങളെ അറിയിച്ചു.

ഇതിനിടയിൽത്തന്നെ വിവാദങ്ങളിലേക്ക് വഴി ഒരുക്കാതെ നാനാ ഭാഗങ്ങളിൽ നിന്നും ഒത്തു തീർപ്പു ശ്രമങ്ങൾ നടക്കുന്നുണ്ട്. വിഷയം രൂക്ഷമാകുന്നതോടെ കോ​ടി​യേ​രി​യെ രാ​ഷ്ട്രീ​യ​മാ​യി അ​തു കൂ​ടു​ത​ൽ ബാ​ധി​ക്കുമെന്നത് തീർച്ച.

ബി​നോ​യി ന​ൽ​കാ​നു​ള്ള 13 കോ​ടി രൂ​പ ല​ഭി​ച്ചാ​ൽ കേ​സ് പി​ൻ​വ​ലി​ക്കാ​മെ​ന്നാ​ണ് ഒ​ത്തു​തീ​ർ​പ്പി​നാ​യി ചെ​ന്ന​വ​ർ​ക്ക് ജാ​സ് കമ്പനിയിൽ നി​ന്ന് ല​ഭി​ച്ച മ​റു​പ​ടി​യെ​ന്നും പ​റ​യു​ന്നു. ഒ​ത്തു​തീ​ർ​പ്പ് സം​ബ​ന്ധി​ച്ച് ത​ന്നെ​യും നി​ര​വ​ധി പേ​ർ ബ​ന്ധ​പ്പെ​ട്ടി​രു​ന്ന​താ​യി രാ​ഹു​ലി​ന്‍റെ അ​ഭി​ഭാ​ഷ​ക​ൻ ജോ​സ് ആ​ല അറിയിക്കുന്നു.