എസ്എസ്എല്സി പരീക്ഷ കഴിഞ്ഞ് മുഖ്യമന്ത്രി പിണറായിക്ക് കോളജില് ചേരാനായില്ല, ഒരു വര്ഷം പാഴാകുമെന്ന് ആലോചിച്ചിരുന്നപ്പോഴാണ് നെയ്ത്ത് പഠിക്കാന് തീരുമാനിച്ചത്
മുഖ്യമന്ത്രി പിണറായി വിജയന് ഒരുകാലത്ത് നെയ്ത്തുകാരനായിരുന്നു. അദ്ദേഹം തന്നെയാണ് ഇക്കാര്യം വെളിപ്പെടുത്തിയത്. വിദ്യാഭ്യാസകാലത്ത് നെയ്ത്ത് തൊഴില് പഠിച്ചിട്ടുണ്ടെന്ന് മുഖ്യമന്ത്രി പറഞ്ഞു. സ്കൂള് വിദ്യാര്ഥികള്ക്ക് സര്ക്കാര് നല്കുന്ന സൗജന്യ യൂണിഫോമിന്റെയും പാഠപുസ്തക വിതരണത്തിന്റെയും സംസ്ഥാനതല ഉദ്ഘാടനം മണക്കാട് സ്കൂളില് നിര്വഹിക്കുകയായിരുന്നു അദ്ദേഹം.
കൈത്തറിപ്പറ്റി അറിയാത്തവര്ക്ക്, നെയ്യാനുള്ള പരിശീലനം നല്കുന്നെന്ന് കേള്ക്കുമ്പോള് വര്ഷങ്ങള് നീണ്ട പരിശീലനമാണന്ന് തോന്നും. ചുരുങ്ങിയ ദിവസങ്ങള്കൊണ്ട് പഠിക്കാന് കഴിയുന്ന തൊഴിലാണ് നെയ്ത്തെന്നും മുഖ്യമന്ത്രി പറഞ്ഞു.
എസ്എസ്എല്സി പരീക്ഷ കഴിഞ്ഞപ്പോള് സ്ഥലത്തില്ലാതിരുന്ന കാരണത്താല് കോളജില് ചേരാനുള്ള അപേക്ഷ നല്കാന് താമസിച്ചുപോയി. ഒരു വര്ഷം നഷ്ടമാകുമെന്നോര്ത്തപ്പോള് എന്തുചെയ്യുമെന്നായി ആലോചന. അടുത്തുള്ള നെയ്ത്തുശാലയില്പോയി നെയ്യാന് തീരുമാനിച്ചതെന്ന് മുഖ്യമന്ത്രി ഓര്ത്തു. പഠിക്കാന് ഒരുപാട് മാസമൊന്നുമെടുത്തില്ല. നെയ്തിട്ട് കൂലിയും വാങ്ങിയ ആളാണ് താനെന്നും മുഖ്യമന്ത്രി പറഞ്ഞു. കൈയടികളോടെയാണ് മുഖ്യമന്ത്രിയുടെ വാക്കുകളെ വിദ്യാര്ഥികള് ഉള്പ്പെടെയുള്ള നിറഞ്ഞ സദസ് സ്വീകരിച്ചത്. സ്കൂള് പഠനകാലത്ത് കടത്തുകാരന് വള്ളമിറക്കാഞ്ഞപ്പോള് തുഴയെടുത്ത് വള്ളംതുഴഞ്ഞിട്ടുമുണ്ട് പിണറായി വിജയന്. കടത്തുകാരന് വിദ്യാര്ത്ഥികളെ കയറ്റില്ലെന്ന് നിലപാട് എടുത്തതോടെ സമരം ചെയ്തിരുന്നു. അതായിരുന്നു മുഖ്യമന്ത്രി പിണറായി വിജയന് ആദ്യം നടത്തിയ സമരം.
https://www.facebook.com/Malayalivartha
