അമൃതസറില്‍ ഒരു എന്‍ജിഒ നടത്തിയ സൗജന്യ നേത്രപരിശോധന ക്യാമ്പിന്റെ ഭാഗമായി കണ്ണ് ഓപ്പറേഷന് വിധേയരായ 60 പേര്‍ക്ക് കാഴ്ച നഷ്ടമായി. ഗുര്‍ദാസ്പൂര്‍ ജില്ലയിലാണ് സംഭവം. കഴിഞ്ഞയാഴ്ചയാണ് ചത്തിസ്ഗഡില്‍ കുടുംബസൂത്രണ ശസ്ത്രക്രിയക്ക് വിധേയരായ സ്ത്രീകള്‍ മരണപ്പെട്ടത്. അതിന് പിന്നാലെയാണ് പുതിയ വാര്‍ത്ത. അതേസമയം ക്യാമ്പില്‍ ചികിത്സ നടത്തിയ ഡോക്ടര്‍ സംഭവത്തെ തുടര്‍ന്ന് ഒളിവിലാണ്. ഡോക്ടറെ കണ്ടെത്താനായി വിശദമായ അന്വഷണം ആരംഭിച്ചിട്ടുണ്ട്.
കാഴ്ച പൂര്‍ണ്ണമായും നഷ്ടമായ സാഹചര്യത്തില്‍ അമൃത്സറിലേയും ഗുര്‍ദാസ്പൂരിലെയും ആശുപത്രികളിലെ ഇഎന്റ്‌റി വിഭാഗത്തില്‍ പ്രവേശിപ്പിച്ചു. 15 പേരുടേയും കാഴ്ച പൂര്‍ണ്ണമായി തന്നെ നഷ്ടമായതായി അമൃത്സര്‍ ഡപ്യൂട്ടി കമ്മീഷണര്‍ രവി ഭഗത് പറഞ്ഞു. ഇവര്‍ അസിസ്റ്റന്റ് പ്രൊഫസര്‍ കരംജിത് സിംഗിന്റെ നിരീക്ഷണത്തിലാണ്.
പത്തു ദിവസം മുമ്പ് ഗുര്‍ദാസ്പൂരിലെ ഗുമാന്‍ ഗ്രാമത്തില്‍ നടന്ന ക്യാമ്പിന്റെ വിവരങ്ങള്‍ അധികൃതര്‍ കൈമാറിയിട്ടുണ്ട്. എന്‍ജിഒ യ്ക്കും ഡോക്ടര്‍മാര്‍ക്കും എതിരേ ക്യാമ്പില്‍ പങ്കെടുത്ത 15 രോഗികള്‍ പരാതി നല്‍കിയതോടെയാണ് സംഭവം പുറത്ത് വന്നത്. അണുവിമുക്തമല്ലാത്ത സാഹചര്യത്തിലാണ് ക്യാമ്പ് നടന്നതെന്നാണ് ഇവര്‍ക്കെതിരെ ഉയര്‍ന്നിരിക്കുന്ന ആരോപണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha