രാഹുല് ഗാന്ധിയുടെ നേതൃത്വത്തില് പാര്ലമെന്റില് പ്രതിഷേധം, ഇന്നും ലോകസഭയില് ബഹളം
കേന്ദ്രമന്ത്രി സാധ്വി നിരഞ്ജന് ജ്യോതിയുടെ രാജി ആവശ്യപ്പെട്ട് പാര്ലമെന്റിനു മുന്നില് പ്രതിപക്ഷ പ്രതിഷേധം. കോണ്ഗ്രസ് ഉപാധ്യക്ഷന് രാഹുല് ഗാന്ധിയുടെ നേതൃത്വത്തില് വായ്മൂടിക്കെട്ടിയാണ് പ്രതിഷേധം. രാവിലെ പ്രതിപക്ഷ എംപിമാരെല്ലാരും കറുത്ത ബാന്ഡ് ധരിച്ചാണ് പാര്ലമെന്റിലെത്തിയത്. വിഷയത്തില് പ്രധാനമന്ത്രി നരേന്ദ്ര മോദി ലോക്സഭയെ അഭിസംബോധന ചെയ്തു. ഇന്നലെ അദ്ദേഹം രാജ്യസഭയില് പ്രസ്താവന നടത്തിയിരുന്നു.
എന്നാല് പ്രധാനമന്ത്രിയുടെ പ്രസ്താവന വന്നെങ്കിലും പ്രതിപക്ഷ എംപിമാര് മന്ത്രിയുടെ രാജി ആവശ്യപ്പെട്ട് ലോക്സഭയില് നിന്ന് ഇറങ്ങിപ്പോയി. രാജ്യസഭയിലും പ്രതിപക്ഷം പ്രതിഷേധമുയര്ത്തി. രാജ്യസഭ 12 മണി വരെ നിര്ത്തിവച്ചു. എന്നാല് പ്രതിഷേധം നിര്ത്തിവച്ച് ചോദ്യോത്തരവേളയില് പങ്കെടുക്കാന് ലോക്സഭാ സ്പീക്കര് സുമിത്രാ മഹാജന് എംപിമാരോട് ആവശ്യപ്പെട്ടു.
ഡല്ഹിയിലെ ഒരു പ്രചരണ റാലിയില് സാധ്വി നിരഞ്ജന് ജ്യോതി രാമസന്തതികളെയും ജാരസന്തതികളെയും കുറിച്ചു നടത്തിയ പരാമര്ശമാണ് വിവാദമായത്. ബിജെപി നേതാക്കളുടെ യോഗത്തില് സാധ്വി നിരഞ്ജന് ജ്യോതിക്കെതിരെ ശക്തമായ ഭാഷയില് താന് സംസാരിച്ചെന്നും നരേന്ദ്ര മോദി ലോക്സഭയെ അറിയിച്ചു. കുടാതെ, അവരുടെ ഭാഷയെ ആരും അംഗീകരിക്കില്ല. മന്ത്രി മാപ്പ് പറഞ്ഞു. അവര് മന്ത്രിസഭയില് പുതിയ ആളാണ്. അവരുടെ ഗ്രാമീണ പശ്ചാത്തലം എല്ലാവര്ക്കും അറിവുള്ളതാണ്. അതിനാല് അവരുടെ ക്ഷമാപണം പരിഗണിച്ച് വിഷയം ഇവിടെ അവസാനിപ്പിക്കണമെന്നും മോദി ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha