സുനന്ദ പുഷ്‌കറിന്റെ ദുരൂഹ മരണവുമായി ബന്ധപ്പെട്ട് എയര്‍ ഇന്ത്യ വിമാനത്തിലെ ജീവനക്കാരെ ചോദ്യം ചെയ്തു. സുനന്ദ മരിക്കുന്നതിന് രണ്ട് ദിവസം മുന്‍പ്, ജനുവരി 15ന് തിരുവനന്തപുരത്ത് നിന്ന് ഡല്‍ഹിയിലേക്കുള്ള എയര്‍ ഇന്ത്യ വിമാനത്തില്‍ വച്ച് സുനന്ദയും തരൂരും വഴക്കിട്ടിരുന്നു. വിമാനത്തില്‍ ഉണ്ടായിരുന്ന അന്ന് കേന്ദ്രമന്ത്രിയായിരുന്ന മനീഷ് തീവാരിയും ഇതിന് സാക്ഷിയായിരുന്നു. തിവാരിയെയും പ്രത്യേക അന്വേഷണ സംഘം ചോദ്യം ചെയ്യും.
സുനന്ദയുടെ മരണം തരൂര്‍ നേരത്തെ തന്നെ അറിഞ്ഞിരുന്നുവെന്ന സംശയം ഡല്‍ഹി പൊലീസിന് ബലപ്പെട്ട പശ്ചാത്തലത്തില്‍ കൊലപാതകവുമായി ബന്ധപ്പെട്ട അന്വേഷണം ശശി തരൂരിലേക്ക് നീങ്ങുകയാണ്. ഇതുവരെ ചോദ്യം ചെയ്തവരില്‍ നിന്ന് ലഭിച്ച സാക്ഷിമൊഴികളുടെ അടിസ്ഥാനത്തിലാണ് പ്രത്യേക അന്വേഷണം സംഘത്തിന് ഈ സംശയം ബലപ്പെട്ടത്. അന്വേഷണത്തിന്റെ ഭാഗമായി സുനന്ദ കൊല്ലപ്പെടുന്നതിന് മുന്‍പുള്ള തരൂരിന്റെ ഫോണ്‍ രേഖകളും മറ്റും പരിശോധിക്കാനാണ് അന്വേഷണ സംഘത്തിന്റെ നീക്കം. അന്വേഷണവുമായി ബന്ധപ്പെട്ട് നാരായണ്‍ സിംഗ്, തരൂരിന്റെ കുടുംബ സുഹൃത്തും ഹോട്ടലില്‍ സുനന്ദയുടെ മരണം സ്ഥിരീകരിച്ച ഡോക്ടര്‍ സഞ്ജയ് ദിവാന്‍, ഹോട്ടഷ മാനേജര്‍, ജീവനക്കാര്‍ എന്നിവരെ ഇതിനോടകം ചോദ്യം ചെയ്തു കഴിഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha