മോദിയുടെ വീരപുത്രന് അഭിമാന നിമിഷം; ഇന്ത്യന് വ്യോമസേന വിംഗ് കമാന്ഡര് അഭിനന്ദന് വര്ധമാന് വീര് ചക്ര ബഹുമതി; വ്യോമസേന സ്ക്വാഡ്രൻ ലീഡർ മിൻറി അഗർവാള് യുദ്ധ സേവ മെഡലിന് അര്ഹനായി
ഇന്ത്യന് വ്യോമസേന വിംഗ് കമാന്ഡര് അഭിനന്ദന് വര്ധമാന് വീര് ചക്ര ബഹുമതി നൽകി ഭാരതം ആദരിക്കും. വ്യോമസേന സ്ക്വാഡ്രൻ ലീഡർ മിൻറി അഗർവാള് യുദ്ധ സേവ മെഡലിന് അര്ഹനായി. സ്വാതന്ത്ര്യദിനാഘോഷ ദിനമായ നാളെ പുരസ്കാരങ്ങള് സമ്മാനിക്കും. രാജ്യത്തെ ഏറ്റവും വലിയ മൂന്നാമത്തെ സൈനിക ബഹുമതിയാണ് വീര് ചക്ര. വ്യോമസേനയാണ് അഭിനന്ദനെ വീര് ചക്രയ്ക്ക് ശുപാര്ശ ചെയ്തത്. യുദ്ധ മുഖത്ത് ശത്രുവിനെതിരെ പ്രകടിപ്പിച്ച ധീരത കണക്കിലെടുത്താണ് സൈനികര്ക്ക് വീര ചക്ര സമ്മാനിക്കുന്നത്.
ബാലക്കോട്ട് വ്യോമാക്രമണത്തിന് പിന്നാലെ പാകിസ്ഥാന് സൈന്യം ഇന്ത്യയ്ക്ക് നേരെ ആക്രമണത്തിനൊരുങ്ങിയപ്പോള് പ്രതിരോധിച്ചതും ശത്രുപക്ഷത്തിന്റെ യുദ്ധവിമാനങ്ങള് വെടിവെച്ചിട്ടതും അഭിനന്ദനായിരുന്നു. ബാലാകോട്ട് ആക്രമണത്തിന് ശേഷം പാകിസ്ഥാന്റെ പിടിയില് അകപ്പെട്ട അഭിനന്ദന് വര്ധമാന് രാജ്യത്തിന്റെഹീറോ ആയി മാറുകയായിരുന്നു. അതിര്ത്തിയില് പാക് വിമാനങ്ങളെ പ്രതിരോധിക്കുന്നതിനിടയില് മിസൈല് ഏറ്റ് അഭിനന്ദന്റെ മിഗ് വിമാനം തകരുകയും പാകിസ്ഥാന് പിടിയില് ആകുകയായിരുന്നു.
യുദ്ധവിമാനങ്ങള് പറത്താന് വിങ് കമാന്ഡര് അഭിനന്ദന് എല്ലാതരത്തിലും ആരോഗ്യപരമായി അനുയോജ്യനാണെന്ന പരിശോധനാ ഫലം വന്നിരുന്നു. ഇത് സംബന്ധിച്ച സര്ട്ടിഫിക്കെറ്റ് കഴിഞ്ഞ ആഴ്ച ബംഗളൂരു ആസ്ഥാനമായ ഇന്സ്റ്റിറ്റ്യൂട്ട് ഓഫ് എയ്റോസ്പേസ് മെഡിസിന് സര്ട്ടിഫിക്കെറ്റ് നല്കിയിരുന്നു. ഫെബ്രുവരി 26 ന് പുല്വാമ ആക്രമണത്തിന് മറുപടിയായാണ് ഇന്ത്യന് വ്യോമസേന ബാലകോട്ടെ ഭീകര കേന്ദ്രങ്ങള്ക്ക് ബോംബിട്ടത്. തുടര്ന്ന് ഫെബ്രുവരി 27 ന് നിയന്ത്രണ രേഖ മറികടന്ന് ആക്രമിക്കാനെത്തിയ പാകിസ്ഥാന് യുദ്ധവിമാനങ്ങളെ ഇന്ത്യ വെടിവെച്ചിട്ടിരുന്നു. ആക്രമണത്തില് അഭിനന്ദന്റെ മിഗ് 21 ബൈസണ് ജെറ്റ് മിസൈല് ആക്രമണത്തില് തകർന്ന് പാകിസ്ഥാന്റെ പിടിയിലാവുകയായിരുന്നു.
ആയുധധാരികളായ സൈനികരുടെ ചോദ്യം ചെയ്യലില് തന്റെ പേരല്ലാതെ മറ്റ് വിവരങ്ങള് വിങ്ങ് കമാന്ഡര് അഭിനന്ദന് വര്ദ്ധമാന് വ്യക്തമാക്കിയില്ല. പാകിസ്ഥാനിലെത്തിയ ദൗത്യമെന്താണെന്ന് ചോദ്യത്തിന് അക്കാര്യം താങ്കളോട് പറയാന് ഞാന് ബാധ്യസ്ഥനല്ലെന്ന ധീരമായി മറുപടി നല്കിവിങ്ങ് കമാന്ഡര് അഭിനന്ദന് വര്ദ്ധമാന്. അതിര്ത്തിയില് പ്രകോപനമുണ്ടാക്കിയ പാക് വിമാനങ്ങളെ പിന്തുടരുന്നതിന് ഇടയിലാണ് വിങ്ങ് കമാന്ഡര് അഭിനന്ദന് വര്ദ്ധമാന്റെ വിമാനത്തിന് നേരെ ആക്രമണമുണ്ടാകുന്നത്. വിമാനത്തില് നിന്ന് ഉടന് സ്വയം ഇജക്ട് ചെയ്ത അഭിനന്ദന് വനമേഖലയില് പതിക്കുകയായിരുന്നു. അവന്തിപ്പുര വ്യോമതാവളത്തില് നിന്നാണ് അഭിനന്ദന്റെ വിമാനം പറന്നുയരുന്നത്. സുഖോയ് 30 എംകെഐ വിമാനത്തിന്റെ പൈലറ്റായി തുടങ്ങിയ അഭിനന്ദന് പിന്നീടാണ് മിഗ് 21 ബൈസണ് സ്ക്വാഡ്രന്റെ ഭാഗമാകുന്നത്. ഇന്ത്യയുടെ ശക്തമായ ഇടപെടലില് മാര്ച്ച് ഒന്നിന് അഭിനന്ദനെ പാകിസ്ഥാന് ഇന്ത്യയ്ക്ക് കൈമാറുകയായിരുന്നു.
https://www.facebook.com/Malayalivartha
