തിരുവല്ല സ്പായില് ഗുണ്ടാസംഘം നടത്തിയ ആക്രമണം : രണ്ടു പ്രതികള് പൊലീസ് സ്റ്റേഷനിലെത്തി കീഴടങ്ങി
തിരുവല്ല മഞ്ഞാടിയിലെ സ്പായില് ഗുണ്ടാപ്പിരിവ് നല്കാത്തതിന് യുവതിയെ കൂട്ടമാനഭംഗം ചെയ്ത കേസില് മുഴുവന് പ്രതികളും പൊലീസിന്റെ പിടിയിലായി. ഒളിവിലായിരുന്ന രണ്ടു പ്രതികള് കൂടി പൊലീസ് സ്റ്റേഷനിലെത്തി കീഴടങ്ങി. ഒളിവിലായിരുന്ന കിരണും സജിനുമാണ് പൊലീസ് സ്റ്റേഷനിലെത്തി കീഴടങ്ങിയത്.
നേരത്തെ ഒളിവിലായിരുന്ന നാലാം പ്രതി തിരുവല്ല ചുമത്ര കോഴിക്കോട്ടുപറമ്പില് വീട്ടില് പ്രശോഭ് (രൊക്കന്, 26) പിടിയിലായിരുന്നു. റാന്നിയില് നിന്നാണ് പ്രത്യേക പൊലീസ് സംഘം ഇയാളെ കസ്റ്റഡിയില് എടുത്തത്. കേസില് മുഖ്യപ്രതി മരണ സുബിന് എന്നു വിളിക്കുന്ന കുറ്റപ്പുഴ പാപ്പനവേലില് സുബിന് അലക്സാണ്ടര് ചാക്കോ (29), കുളക്കാട് മുപ്പിരിയില് ബെര്ലിന്ദാസ് (38), നിരണം കോതേരില് വീട്ടില് വരുണ്കുമാര് (36) എന്നിവരെ നേരത്തെ അറസ്റ്റുചെയ്തിരുന്നു. ഈ മാസം ഒന്നിന് വൈകിട്ട് മൂന്നരയോടെയാണ് സ്പായിലെത്തിയ സംഘം ഗുണ്ടാപ്പിരിവ് നല്കാത്തതിന തുടര്ന്ന് യുവതിയെ അതിക്രൂര പീഡനത്തിനിരയാക്കിയത്.
https://www.facebook.com/Malayalivartha
