ബൈക്കില് നിന്ന് തെറിച്ചു വീണ യുവാവ് കാറിനടിയില്പ്പെട്ട് മരിച്ചു
പേരാമ്പ്രയില് റോഡില് തെന്നി വീണ ബൈക്കില് നിന്ന് തെറിച്ചു വീണ യുവാവ് എതിര്വശത്ത് നിന്നെത്തിയ കാറിന് അടിയില്പ്പെട്ട് മരിച്ചു. പേരാമ്പ്ര ചങ്ങരോത്ത് മുതുവണ്ണാച്ച സ്വദേശി അശ്വിന്.ബി.രാജ്(22) ആണ് മരിച്ചത്. രാവിലെ എട്ടരയോടെ കരുവണ്ണൂര് പെട്രോള് പമ്പിനു സമീപമാണ് അപകടമുണ്ടായത്. അപകടത്തിന്റെ സിസിടിവി ദൃശ്യം പുറത്തുവന്നു. അപകടം ഉണ്ടായ ഉടന് അശ്വിനെ ഉള്ള്യേരിയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഓസ്ട്രേലിയയില് വിദ്യാര്ഥിയായ അശ്വിന് രണ്ടു ദിവസം മുന്പാണ് നാട്ടില് എത്തിയത്. പേരാമ്പ്ര പൊലീസ് ആശുപത്രിയിലെത്തി ഇന്ക്വസ്റ്റ് നടപടികള്ക്ക് ശേഷം മൃതദേഹം കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. ചാത്തന്കോട്ട് നട എജെജെഎംഎച്ച്എസിലെ അധ്യാപകരായ ചെറുവലത്ത് രാജന്റെയും ബിനിതയുടെയും മകനാണ്. സഹോദരന്: അഭയ്. ബി.രാജ്.
https://www.facebook.com/Malayalivartha
