കേന്ദ്ര സംഘം ദ്വിദിന സന്ദര്‍ശനത്തിനായി ഇന്ന് ജമ്മു കശ്മീരില്‍ എത്തും. ന്യൂനപക്ഷ വകുപ്പ് സെക്രട്ടറിയുടെ നേതൃത്വത്തിലുള്ള സംഘം ശ്രീനഗര്‍, ജമ്മു, കാര്‍ഗില്‍, ലഡാക്ക് എന്നീ സ്ഥലങ്ങള്‍ സന്ദര്‍ശിക്കും.
വിദ്യാലയങ്ങള്‍, കോളജുകള്‍, ആശുപത്രികള്‍, തൊഴില്‍ അവസരങ്ങള്‍ അടക്കമുള്ള വികസന സാധ്യതകള്‍ പരിശോധിക്കുകയാണ് സന്ദര്‍ശന ലക്ഷ്യം. കഴിഞ്ഞ ദിവസങ്ങളില്‍ രഹസ്യാന്വേഷണ വിഭാഗത്തിലെ ഉന്നത ഉദ്യോഗസ്ഥര്‍ കശ്മീരില്‍ തങ്ങി സ്ഥിതിഗതികള്‍ വിലയിരുത്തിയിരുന്നു.
വീട്ടുതടങ്കലില്‍ കഴിയുന്ന മെഹബൂബ മുഫ്തി, ഒമര്‍ അബ്ദുല്ല തുടങ്ങിയ നേതാക്കളുമായി രഹസ്യാന്വേഷണവിഭാഗ സംഘം കൂടിക്കാഴ്ച്ച നടത്തിയതായും റിപ്പോര്‍ട്ടുകളുണ്ട്. പ്രത്യേക പദവി എടുത്തുകളയാനുള്ള നടപടിയുടെ ഭാഗമായി ജമ്മു കശ്മീരില്‍ സുരക്ഷാ നിയന്ത്രണങ്ങള്‍ കൊണ്ടുവന്നിട്ട് ഇന്നേക്ക് 20 ദിവസം കഴിഞ്ഞു.