യുദ്ധത്തിലേക്കുന്ന നീങ്ങുന്ന യെമനിലെ ഇന്ത്യക്കാരെ രക്ഷപ്പെടുത്താനുള്ള നടപടികള്‍ കേന്ദ്ര സര്‍ക്കാരും ഇന്ത്യന്‍ എംബസിയും ഊര്‍ജിതമാക്കി. എല്ലാ ഇന്ത്യക്കാരെയും ഇന്നു രാത്രിയ്ക്കകം ഒഴിപ്പിക്കുമെന്ന് പ്രതിരോധ മന്ത്രി മനോഹര്‍ പരീക്കര്‍ പറഞ്ഞു. യെമന്‍ വിദേശകാര്യ മന്ത്രാലയത്തിന്റെ ഉത്തരവനുസരിച്ച് അഞ്ചു ദിവസത്തിനകം മുഴുവന്‍ ഇന്ത്യക്കാരെയും സുരക്ഷിതമായി നാട്ടിലെത്തിക്കാനുള്ള തീവ്രശ്രമത്തിലാണ് എംബസി അധികൃതര്‍.സനാ വിമാനത്താവളത്തിലൂടെയും ഏഡന്‍, അല്‍മുകല്ല തുറമുഖങ്ങള്‍ വഴിയുമാണ് ഇന്ത്യക്കാര്‍ ഉള്‍പ്പെടെയുള്ള വിദേശികളെ യെമനില്‍നിന്ന് സുരക്ഷിത കേന്ദ്രങ്ങളില്‍ എത്തിക്കുന്നത്. സനയില്‍നിന്ന് മൂന്ന് വിമാനങ്ങളിലായി 488 ഇന്ത്യക്കാരെ ഞായറാഴ്ച ജിബൂത്തിയിലെത്തിച്ചു. 
അല്‍മുകല്ല തുറമുഖത്തുനിന്ന് ജിബൂത്തിയിലെത്താന്‍ 24 മണിക്കൂറിലേറെ സമയമെടുക്കും. എതാണ്ട് ഏഴുനൂറോളം പേരെയാണ് ഒരു ദിവസംകൊണ്ട് യെമനില്‍നിന്ന് രക്ഷപ്പെടുത്തിയത്.വരും ദിവസങ്ങളിലും വിമാന, കപ്പല്‍ സര്‍വീസ് തുടരാനാണ് തീരുമാനം. ഇതേ അവസ്ഥ തുടരാനായാല്‍ അഞ്ചു ദിവസംകൊണ്ട് മുഴുവന്‍ ഇന്ത്യക്കാരെയും നാട്ടിലെത്തിക്കാനാവുമെന്നാണ് കണക്കുകൂട്ടല്‍. എന്നാല്‍ അല്‍ ഖായിദയ്ക്ക് സ്വാധീനമുള്ള മാരിബ്, തായിഫ് പോലുള്ള ഉള്‍പ്രദേശങ്ങളിലുള്ളവരെ മുന്നൂറോളം കിലോമീറ്ററിന് അപ്പുറമുള്ള പ്രവേശന കവാടങ്ങളില്‍ എത്തിക്കുകയാണ് വെല്ലുവിളി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha