സച്ചിന്‍ ടെണ്ടുല്‍ക്കറുടെ ഷാര്‍ജയിലെ 'ഡെസേര്‍ട്ട്​ സ്​റ്റോം' ഇന്നിങ്​സിനെ പറ്റി പറഞ്ഞ് നടന്‍ പൃഥ്വിരാജ്​. ലോക പ്രശസ്​ത ക്രിക്കറ്റ്​ മാഗസിനായ വിസ്​ഡണ്‍ 1990കളിലെ ഏറ്റവും മികച്ച ഏകദിന ഇന്നിങ്​സായി സച്ചിന്റെ ഷാര്‍ജയിലെ പ്രകടനം​ തെരഞ്ഞെടുത്ത വാര്‍ത്തക്കൊപ്പമാണ്​ പൃഥ്വിരാജ്​ തന്റെ അഭിപ്രായം പങ്കുവെച്ചിരിക്കുന്നത് ​.ഷാര്‍ജ ക്രിക്കറ്റ്​ സ്​റ്റേഡിയത്തെ കോരിത്തരിപ്പിച്ച സച്ചിന്റെ ഇന്നിങ്​സ്​ ക്രിക്കറ്റ്​ പ്രേമികൾക്ക് മറക്കാനാകില്ല .

പൃഥ്വിരാജ്​ ഫേസ്​ബുക്ക് കുറിപ്പ് ഇങ്ങനെ ... ''90കളിലെ ഏറ്റവും മികച്ച ഇന്നിങ്​സോ?. ഇത്​ ഏകദിനത്തിലെത്തന്നെ ഏറ്റവും മികച്ച ഇന്നിങ്​സുകളിലൊന്നായി പരിഗണിക്കാവുന്നതാണ്​​. ട്വന്‍റി 20 കാലത്ത്​ ജനിച്ച 'മില്ലേനിയല്‍സിന്​' ഈ ഇന്നിങ്​സ്​ ആശ്ചര്യമായി തോന്നിയേക്കില്ല. പക്ഷേ അല്ലാത്തവര്‍ക്ക്​ ഞാന്‍ പറയുന്നത്​ മനസ്സിലാകും''- പൃഥ്വിരാജ്​ ഫേസ്​ബുക്കില്‍ കുറിച്ചു.