കര്‍ഷക സമരം: പങ്കെടുത്ത വയോധികന് നേര്‍ക്ക് അര്‍ദ്ധസൈനികന്‍ ലാത്തിയോങ്ങുന്ന ചിത്രം വൈറല്‍
അര്‍ദ്ധസൈനികന്‍ ഡല്‍ഹിയിലെ കര്‍ഷക സമരത്തില്‍ പങ്കെടുത്ത ഒരു വയോധികനു നേര്‍ക്ക് ലാത്തിയോങ്ങുന്ന ചിത്രം സോഷ്യല്‍ മീഡിയയില്‍ വൈറലായി. വളരെ ദുഃഖകരമായ ചിത്രമാണിതെന്നു പറഞ്ഞ് കോണ്‍ഗ്രസ് നേതാവ് രാഹുല്‍ ഗാന്ധി ചിത്രം ഷെയര്‍ ചെയ്തു.
രാഹുല്‍ ട്വിറ്റ് ചെയ്തത് ഇപ്രകാരമാണ്:
'ജയ് ജവാന്‍, ജയ് കിസാന്‍ എന്നായിരുന്നു നമ്മുടെ മുദ്രാവാക്യം. എന്നാല്‍, പ്രധാനമന്ത്രി മോഡിയുടെ അഹങ്കാരം കര്‍ഷകനെതിരെ ജവാന്‍ നിലകൊള്ളുന്ന സ്ഥിതിയിലേക്കെത്തിച്ചിരിക്കുന്നു. ഇത് വളരെ അപകടകരമാണ്'.
'ബി.ജെ.പി. സര്‍ക്കാരിന്റെ കാലത്ത് രാജ്യത്തിന്റെ സ്ഥിതിയൊന്ന് പരിശോധിക്കുക. ബി.ജെ.പിയുടെ ശതകോടീശ്വരരായ സുഹൃത്തുക്കള്‍ ഡല്‍ഹിയില്‍ വരുമ്പോള്‍ അവര്‍ക്ക് ചുവപ്പ് പരവതാനിയിട്ട് സ്വീകരണം ലഭിക്കുന്നു. എന്നാല്‍, കര്‍ഷകര്‍ ഡല്‍ഹിയിലേക്ക് വരുമ്പോഴോ..റോഡുകള്‍ കുഴിക്കുന്നു. കര്‍ഷകര്‍ക്കെതിരേ നിയമം ഉണ്ടാക്കിയപ്പോള്‍ അത് ശരിയാണ്, പക്ഷേ അക്കാര്യം സര്‍ക്കാരിനോട് പറയാന്‍ അവര്‍ വരുമ്പോള്‍ അത് തെറ്റാകുന്നു'-പ്രിയങ്ക ഗാന്ധിയും ട്വീറ്റ് ചെയ്തു.
https://www.facebook.com/Malayalivartha
