രാജസ്ഥാനില്‍ എട്ടുവയസുകാരിക്ക് നേരെ അതിക്രൂരത. പെൺകുട്ടിയെ ബലാത്സംഗം ചെയ്​ത ശേഷം കഴുത്തുഞ്ഞെരിച്ച്‌​ കൊലപ്പെടുത്തി. പൊട്ടകിണറ്റിൽ നിന്നുമായിരുന്നു കണ്ടെത്തിയത്. പ്രതാപ്​ഗഡ്​ ജില്ലയിലാണ്​ ഈ സംഭവം അരങ്ങേറിയത് . വെള്ളിയാഴ്​ച രാത്രി അമ്മയോടൊപ്പം വീട്ടില്‍ ഉറങ്ങി കിടക്കുകയായിരുന്നു പെണ്‍കുട്ടി. ഈ സമയം അജ്ഞാതന്‍ കുട്ടിയെ തട്ടിയെടുത്തു . ​ കുട്ടിയെ ബലാത്സംഗം ചെയ്തശേഷം കഴുത്ത്​ ഞെരിച്ച്‌​ കൊലപ്പെടുത്തുകയും മൃതദേഹം സമീപത്തെ പൊട്ടകിണറ്റില്‍ എറിയുകയും ചെയ്​തു.

ശനിയാഴ്​ച രാത്രി പെണ്‍കുട്ടിയുടെ മൃതദേഹം ​പൊട്ടകിണറ്റില്‍നിന്ന്​ ലഭിച്ചതായും വീട്ടില്‍നിന്ന്​ 300 മീറ്റര്‍ അകലെയാണ്​ കിണറെന്നും ഛോട്ടി സദ്​രി പൊലീസ്​ സ്​റ്റേഷനിലെ മുതിര്‍ന്ന ഉദ്യോഗസ്​ഥനായ രവീന്ദ്ര പ്രതാപ്​ സിങ്​ വ്യക്തമാക്കി . കേസില്‍​ അന്വേഷണം പുരോഗമിക്കുകയാണെന്നും ചോദ്യം ചെയ്യാനായി അര ഡസനോളം പേരെ തടഞ്ഞുവെച്ചിട്ടുണ്ടെന്നും അദ്ദേഹം പറഞ്ഞു.