കേന്ദ്ര സര്ക്കാരിന്റെ കാര്ഷിക പരിഷ്കരണ നിയമങ്ങള്ക്കെതിരായ ഡല്ഹി ചലോ മാര്ച്ച് ആറാം ദിവസത്തിലേക്ക് .... കര്ഷക പക്ഷോഭകരുമായി ഉപാധികളില്ലാതെ ചര്ച്ചയ്ക്കൊരുങ്ങി കേന്ദ്രസര്ക്കാര്
കേന്ദ്ര സര്ക്കാരിന്റെ കാര്ഷിക പരിഷ്കരണ നിയമങ്ങള്ക്കെതിരായ ഡല്ഹി ചലോ മാര്ച്ച് ആറാം ദിവസത്തിലേക്ക് കടന്നു. അനുനയ നീക്കത്തിന്റെ ഭാഗമായി കര്ഷകപ്രക്ഷോഭകരുമായി ഉപാധികളില്ലാതെ ചര്ച്ചയ്ക്കൊരുങ്ങി കേന്ദ്രസര്ക്കാര്. സമരരംഗത്തുള്ള പഞ്ചാബിലെ ഭാരതീയ കിസാന് യൂണിയന് നേതാവ് ജോഗീന്ദര് സിങ് ഉള്പ്പെടെയുള്ള നേതാക്കളെ ആഭ്യന്തരമന്ത്രി അമിത് ഷാ ഫോണില് വിളിച്ച് ചര്ച്ചയ്ക്കു തയ്യാറാണെന്ന് വ്യക്തമാക്കി.
ചര്ച്ചയില് പങ്കെടുക്കുന്ന കാര്യത്തില് കര്ഷകസംഘടനകള് ചൊവ്വാഴ്ച തീരുമാനമെടുക്കാനാണ് സാധ്യത. കേന്ദ്ര ആഭ്യന്തര മന്ത്രി അമിത് ഷായും കൃഷിമന്ത്രി നരേന്ദ്ര സിംഗ് തോമറും കൂടിയാലോചന നടത്തി ചര്ച്ചക്ക് സന്നദ്ധത അറിയിച്ചെങ്കിലും കര്ഷക സംഘടന നേതാക്കള് ഇത് വരെയും അനുകൂല നിലപാട് സ്വീകരിച്ചിട്ടില്ല. ചര്ച്ചക്ക് വിളിക്കുന്നതിനിടയിലും പ്രധാനമന്ത്രി തന്നെ നിയമം പിന്വലിക്കില്ലെന്ന് ഉറച്ചു നില്ക്കുന്നതില് കര്ഷക സംഘടനകള്ക്ക് അതൃപ്തിയുണ്ട്. സമരം വേഗം തീര്പ്പാക്കിയില്ലെങ്കില് വരും ദിവസങ്ങളില് കൂടുതല് റോഡുകള് ഉപരോധിക്കുമെന്നാണ് കര്ഷക നേതാക്കള് മുന്നറിയിപ്പ് നല്കി.
https://www.facebook.com/Malayalivartha
