ജഡ്ജി സി എസ് കര്‍ണനെ ചെന്നൈ പോലീസ് അറസ്റ്റ് ചെയ്തു; അറസ്റ്റ് സ്ത്രീ വിരുദ്ധ പരാമര്‍ശം നടത്തിയതിനിന്; ജുഡീഷ്യറിയെ അപമാനിച്ചതിന് തടവുശിക്ഷ വിധിക്കപ്പെട്ട ആദ്യ ന്യായാധിപന്‍; നടപടി ചീഫ് ജസ്റ്റിസിന്റെ നിര്‍ദേശ പ്രകാരം
കോടതി ആദ്യമായി ശിക്ഷിച്ച ന്യായാധിപന്‍ എന്ന നിലക്ക് കുപ്രശസ്തനാണ് മുന്‍ ഹൈക്കോടതി ജഡ്ജി സി എസ് കര്ണന്. അദ്ദേഹത്തെ വീണ്ടും പോലീസ് അറസ്റ്റുചെയ്തു എന്ന വാര്‍ത്തയാണ് ഇപ്പോള്‍ പുറത്ത് വരുന്നത്. ഹൈക്കോടതിയിലെയും സുപ്രീംകോടതിയിലെയും ജുഡീഷ്യല്‍ ഓഫീസര്‍മാരെയും അവരുടെ ഭാര്യമാരെയും അടക്കം ചേര്‍ത്ത് മോശം പരാമര്‍ശങ്ങള്‍ നടത്തുകയും ലൈംഗികച്ചുവയുള്ള പരാമര്‍ശങ്ങള്‍ നടത്തുകയും ചെയ്തതിനാണ് അറസ്റ്റ്. ചെന്നൈ ആവടിയിലുള്ള കര്‍ണന്റെ വസതിയിലെത്തിയാണ് തമിഴ്‌നാട് പോലീസ് അദ്ദേഹത്തെ അറസ്റ്റ് ചെയ്തത്.
ഒക്ടോബര്‍ 27-ന് മദ്രാസ് ഹൈക്കോടതിയിലെ ഒരു അഭിഭാഷകന്‍ നല്‍കിയ പരാതിയില്‍ കര്‍ണനെതിരെ കേസ് റജിസ്റ്റര്‍ ചെയ്തിരുന്നു. മദ്രാസ് ഹൈക്കോടതിയിലെ മുതിര്‍ന്ന അഭിഭാഷകരെല്ലാം ചേര്‍ന്ന് ചീഫ് ജസ്റ്റിസ് എസ് എ ബോബ്‌ഡെയ്ക്ക് ജസ്റ്റിസ് കര്‍ണനെതിരെ വിശദമായ പരാതി നല്‍കുകയും ചെയ്തു. കര്ണന് സുപ്രീംകോടതിയിലെയും ഹൈക്കോടതിയിലെയും ജഡ്ജിമാരെക്കുറിച്ചും അവരുടെ ഭാര്യമാരെക്കുറിച്ചും, വളരെ മോശം ഭാഷയില്‍ സംസാരിക്കുകയും, അവര്‍ക്കെതിരെ ലൈംഗികച്ചുവയുള്ള പരാമര്‍ശങ്ങള്‍ നടത്തുകയും ചെയ്യുന്ന ഒരു വീഡിയോ പുറത്തുവന്നിരുന്നു. ഈ വീഡിയോ കൂടി ചേര്‍ത്താണ് അഭിഭാഷകര്‍ ചീഫ് ജസ്റ്റിസിന് പരാതി നല്‍കിയത്.
സുപ്രീംകോടതിയിലെയും ഹൈക്കോടതിയിലെയും ചില ജഡ്ജിമാര്‍ ചില വനിതാ ഉദ്യോഗസ്ഥരെ ലൈംഗികപീഡനത്തിനിരയാക്കിയെന്ന പരാമര്‍ശവും കര്ണന് ആ വീഡിയോയില്‍ നടത്തിയിരുന്നു. ആ ദൃശ്യത്തില്‍ പീഡനത്തിനിരയായെന്ന് ആരോപിക്കപ്പെടുന്ന ഇരകളുടെ പേരും കര്ണന് വെളിപ്പെടുത്തുന്നുണ്ട്. സ്ത്രീകളെ അത്യന്തം അപമാനിക്കുന്നതാണ് കര്‍ണന്റെ പരാമര്‍ശങ്ങളെന്നും, ഇത് പച്ചയായ സ്ത്രീവിരുദ്ധതയാണെന്നും അഭിഭാഷകര്‍ സംയുക്തമായി ചീഫ് ജസ്റ്റിന് നല്‍കിയ കത്തില്‍ ചൂണ്ടിക്കാണിക്കുന്നു. ഇതിനെതിരെ അടിയന്തരനടപടി വേണമെന്നും കത്തില്‍ അഭിഭാഷകര്‍ ആവശ്യപ്പെടുന്നു.
2017 മെയ് മാസത്തില്‍, ജുഡീഷ്യറിക്കെതിരെ അപമാനകരമായ പരാമര്‍ശങ്ങള്‍ നടത്തിയതിന്റെ പേരില്‍ ആറ് മാസത്തെ തടവുശിക്ഷ സുപ്രീംകോടതി ജസ്റ്റിസ് കര്ണന് വിധിച്ചിരുന്നു. രാജ്യത്ത് തന്നെ ഇത്തരത്തില്‍ ശിക്ഷയ്ക്ക് വിധേയനാകുന്ന ആദ്യത്തെ ന്യായാധിപനായിരുന്നു ജസ്റ്റിസ് കര്ണന്.
എന്നാല്‍ അറസ്റ്റ് ഒഴിവാക്കാന്‍ ഒളിവില്‍ പോകുകയടക്കം ചെയ്ത് വലിയ വിവാദങ്ങള്‍ അന്നേ സൃഷ്ടിച്ച കര്ണന് തന്നെ ഇരയാക്കുകയാണ് ജുഡീഷ്യല്‍ സംവിധാനം ചെയ്യുന്നതെന്ന മറുവാദമാണുയര്‍ത്തിയത്. അനുകൂലവിധിയ്ക്ക് പണം വാങ്ങിയെന്നതടക്കം, ഗുരുതരമായ അഴിമതിയാരോപണങ്ങളടക്കം കര്‍ണനെതിരെ ഉയര്‍ന്നിരുന്നു.
https://www.facebook.com/Malayalivartha
