കര്ഷകരുടെ ദില്ലി ചലോ മാര്ച്ച് എട്ടാം ദിവസത്തിലേക്ക്.... കര്ഷക സംഘടനകളുമായുള്ള കേന്ദ്രത്തിന്റെ രണ്ടാം ഘട്ട ചര്ച്ച ഇന്ന്... സുരക്ഷ ശക്തമാക്കി
കര്ഷക നിയമത്തില് പ്രതിഷേധിക്കുന്ന കര്ഷക സംഘടനകളുമായുള്ള കേന്ദ്രത്തിന്റെ രണ്ടാം ഘട്ട ചര്ച്ച ഇന്ന്. മൂന്ന് നിയമങ്ങളും ഉപാധികള് ഇല്ലാതെ തള്ളിക്കളയണമെന്ന് കഴിഞ്ഞ ദിവസം നല്കിയ കത്തില് കര്ഷകര് ആവശ്യപ്പെട്ടിരുന്നു. കര്ഷകരുടെ ദില്ലി ചലോ മാര്ച്ച് എട്ടാം ദിവസത്തിലേക്ക് പ്രവേശിച്ചു. രാവിലെ 11 മണിക്ക് വിഗ്യാന് ഭവനില് വെച്ചാണ് യോഗം നടക്കുക. കേന്ദ്ര കൃഷിമന്ത്രി നരേന്ദ്ര സിംഗ് തോമര്, റെയില് മന്ത്രി പിയുഷ് ഗോയല് എന്നിവര് യോഗത്തില് പങ്കെടുക്കും.
കഴിഞ്ഞ ദിവസത്തെ ചര്ച്ചയില് കര്ഷകര്ക്ക് എതിര്പ്പുള്ള വിഷയങ്ങള് എഴുതി അറിയിക്കാന് സര്ക്കാര് ആവശ്യപ്പെട്ടിരുന്നു. കേന്ദ്ര സര്ക്കാര് പുതുതായി പാസ്സാക്കിയ മൂന്ന് കാര്ഷിക നിയമങ്ങളും നിരുപധികം റദാക്കുക എന്നതിനപ്പുറം മറ്റ് ആവശ്യങ്ങള് മുന്നോട്ട് വെക്കാനില്ലെന്ന് കര്ഷക സംഘടനകള് സര്ക്കാരിനെ അറിയിച്ചു.
അതേസമയം എട്ടാം ദിവസത്തിലേക്ക് കടന്ന കര്ഷക സമരം ഡല്ഹി അതിര്ത്തികളില് ശക്തമായി തുടരുകയാണ്. ഹരിയാന, പഞ്ചാബ്, രാജസ്ഥാന് അടക്കമുള്ള സംസ്ഥാനങ്ങളില് നിന്ന് കൂടുതല് കര്ഷകര് അതിര്ത്തികളില് എത്തി. കേന്ദ്ര സര്ക്കാറുമായി ചര്ച്ച നടക്കുന്ന ഇന്ന് നഗരത്തില് അടക്കം സുരക്ഷ ശക്തമാക്കി.
പ്രതിഷേധം എട്ടാം ദിവസത്തിലേക്ക് കടന്നതോടെ രാജ്യതലസ്ഥാനം പൂര്ണമായും സ്തംഭിച്ചു. ഡല്ഹി ഹരിയാന അതിര്ത്തിയായ തിക്രിയിലും ഉത്തര്പ്രദേശ് അതിര്ത്തിയായ ഗാസിപൂര്, നോയിഡ, ഗുരുഗ്രാം എന്നിവിടങ്ങളിലും കര്ഷകരുടെ സമരം തുടരുകയാണ്. കേന്ദ്രസര്ക്കാരുമായി ഇന്ന് ചര്ച്ച നടക്കുന്ന സാഹചര്യത്തില് കൂടുതല് കര്ഷകര് അതിര്ത്തികളില് എത്തും. ചര്ച്ച പരാജയപ്പെട്ടാല് അതിര്ത്തികളില് നിന്ന് കര്ഷകര് ഡല്ഹിയിലേക്ക് നീങ്ങിയേക്കും.
"
https://www.facebook.com/Malayalivartha
