നിരവധി ആരോഗ്യ ഗുണങ്ങള്‍ അടങ്ങിയതാണ് തേന്‍. ശരീരത്തെ ആരോഗ്യപരമായി ചികിൽസിക്കാൻ തേനിന് സാധിക്കുന്നതാണ്. എന്നാൽ ഇപ്പോൾ വിപണിയിൽ സുലഭമായി ലഭിക്കുന്ന തേൻ എത്രത്തോളം ഗുണനിലവാരം ഉണ്ട് എന്നത് സംശയം തന്നെയാണ്. അത്തരത്തിൽ ഒരു വാർത്തയാണ് പുറത്തേക്ക് വരുന്നത്. ഇന്ത്യയിലെ പ്രമുഖ ബ്രാന്റുകള്‍ വില്‍ക്കുന്നത് മായം കലര്‍ന്ന തേനെന്ന് റിപ്പോര്‍ട്ട്. പഞ്ചസാര സിറപ്പ് ചേര്‍ത്ത തേനാണ് പല പ്രമുഖ ബ്രാന്റുകളും നിലവിൽ വിണപണിയില്‍ എത്തിക്കുന്നതെന്ന് (സി.എസ്.ഇ) പറഞ്ഞു.13 ബ്രാന്‍ഡുകള്‍ വിപണിയിലെത്തിക്കുന്ന തേനിന്റെ സാമ്പിളുകളാണ് ഇതിനായി സി.എസ്.ഇ തെരഞ്ഞെടുത്തത്.

77 ശതമാനം സാമ്പിളുകളും പഞ്ചസാര സിറപ്പ് ചേര്‍ത്ത് മായം ചേര്‍ക്കുന്നതായി കണ്ടെത്തുകയുണ്ടായി. പരിശോധിച്ച 22 സാമ്പിളുകളില്‍ അഞ്ചെണ്ണം മാത്രമാണ് എല്ലാ ടെസ്റ്റുകളിലും വിജയിച്ചത് തന്നെ. എന്നാൽ പ്രമുഖ ബ്രാന്‍ഡുകളായ ഡാബര്‍, പതഞ്ജലി, ബൈദ്യനാഥ്, സന്തു, ഹിറ്റ്കാരി, എപിസ് ഹിമാലയ എന്നീ ബ്രാന്റുകള്‍ തേന്‍ സാമ്പിളുകള്‍ എല്ലാം എന്‍.എം.ആര്‍ (ന്യൂക്ലിയര്‍ മാഗ്‌നെറ്റിക് റെസൊണന്‍സ്) പരിശോധനയില്‍ പരാജയപ്പെട്ടെന്നാണ് പഠനം വ്യക്തമാക്കുന്നത്.

തങ്ങള്‍ പ്രകൃതിദത്ത തേന്‍ മാത്രമേ നിര്‍മ്മിക്കുന്നുള്ളൂവെന്നാണ് പതഞ്ജലി വക്താവ് അവകാശപ്പെട്ടുകൊണ്ട് രംഗത്ത് എത്തിയത്. എഫ്.എസ്.എസ്.എ.ഐ നിശ്ചയിച്ച മാനദണ്ഡങ്ങള്‍ പാലിച്ചുകൊണ്ടാണ് തങ്ങളുടെ ഉല്‍പ്പന്നം നിര്‍മ്മിക്കുന്നതെന്നും പതഞ്ജലി വ്യക്തമാക്കുകയുണ്ടായി. ബ്രാന്റിനെ തകര്‍ക്കാനുള്ള ഗൂഢാലോചനയാണ് നടന്നുകൊണ്ടിരിക്കുന്നതെന്നും വക്താവ് ആരോപണം ഉന്നയിക്കുകയുണ്ടായി.