കോവിഡ് വാക്സിന് വിതരണം ജനുവരി 13 മുതല് നടക്കുമെന്ന് കേന്ദ്ര സര്ക്കാര്
05 JANUARY 2021 07:15 PM IST
മലയാളി വാര്ത്ത
ഇന്ത്യ നിര്മ്മിച്ച കോവിഷീല്ഡ്, കോവാക്സിന് എന്നീ കോവിഡ് വാക്സിനുകളുടെ വിതരണം ജനുവരി 13 മുതല് നടക്കുമെന്ന് കേന്ദ്ര സര്ക്കാര്. വാക്സിന് വിതരണത്തിന് വേണ്ട എല്ലാ തയ്യാറെടുപ്പുകളും പൂര്ത്തിയായതായി കേന്ദ്ര ആരോഗ്യമന്ത്രാലയം അറിയിച്ചു.കോവിഷീല്ഡ്, കോവാക്സിന് എന്നിവ അടിയന്തര സാഹചര്യത്തില് ഉപയോഗിക്കാന് ഡ്രഗ് കണ്ട്രോളര് ജനറല് ഓഫ് ഇന്ത്യ (ഡിസിജിഐ) ഞായറാഴ്ച അംഗീകാരം നല്കിയിരുന്നു.
29,000 ശീതികരണ സംവിധാനങ്ങളാണ് വാക്സിന് സൂക്ഷിക്കാന് ആരോഗ്യ മന്ത്രാലയം തയ്യാറാക്കിയിരിക്കുന്നത്. കര്ണാല്, മുംബൈ, ചെന്നൈ, കൊല്ക്കത്ത നാല് പ്രാഥമിക സംഭരണ കേന്ദ്രങ്ങളും 37 ഉപ വാക്സിന് സംഭരണശാലകളുമാണ് രാജ്യത്ത് തയ്യാറാക്കിയിട്ടുള്ളത്. ഇവിടെ നിന്നും വിവിധ സംസ്ഥാനങ്ങളിലേക്ക് വാക്സിന് എത്തിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
