രജനിയുടെ പിന്തുണ തേടി അമിത് ഷാ; അടുത്താഴ്ച ചെന്നൈയിലെത്തുന്ന അമിത് ഷാ രജനികാന്തിനെ വീട്ടിലെത്തും; രജനി തീരുമാനത്തില് നിന്നും പിന്മാറമെന്ന ആവശ്യപ്പെട്ട് ആരാധകര് പ്രതിഷേധം ശക്തമാക്കുന്നു; രജനി മക്കള് മന്ട്രവും പ്രതിഷേധത്തില്
തമിഴ്നാട്ടില് താമര വിരിക്കുന്നതിന്റെ ഭാഗമായിയാണ് രജനികാന്തിന്റെ രാഷ്ട്രീയ പ്രവേശനത്തെ വിലയിരുത്തിയിരുന്നത്. എന്നാല് അനാരോഗ്യം ചൂണ്ടികാട്ടി രാഷ്ട്രീയത്തിലേക്കില്ലെന്ന് വ്യക്തമാക്കിയതോടെ ബി.ജെ.പിയുടെ നീക്കങ്ങള്ക്കും തിരിച്ചടി കിട്ടിയിരുന്നു. എന്നാലും പ്രതീക്ഷ കൈവിടാതെയാണ് തമിഴ്നാട്ടിലെയും കേന്ദ്രത്തിലേയും ബി.ജെ.പി നേതൃത്വം മുന്നോട്ട് പോകുന്നത്. ഇതിന്റെ ഭാഗമായിയാണ് രജനികാന്തിന്റെ പിന്തുണ തേടി അമിത് ഷാ ചെന്നൈയിലെത്താന് പോകുന്നത്. രജനിയുമായി അമിത്ഷാ ചര്ച്ച നടത്തും.
സൗഹൃദ സംഭാഷണം എന്നാണ് വിശേഷണം എങ്കിലും രാഷ്ട്രീയ ചര്ച്ചകള്ക്കാണ് വീണ്ടും കളമൊരുങ്ങുന്നത്. അതേസമയം, രാഷ്ട്രീയത്തില് നിന്ന് പിന്മാറിയ തീരുമാനം രജനികാന്ത് പിന്വലിക്കണമെന്ന് ആവശ്യപ്പട്ട് ആരാധകര് പ്രതിഷേധം ശക്തമാക്കുകയാണ്. ഞായറാഴ്ച മുതല് ചെന്നൈയില് ആരാധകര് നിരാഹാര സമരം തുടങ്ങും. രജനി മക്കള് മന്ട്രം ഭാരവാഹികളും നിരാഹാരത്തില് പങ്കെടുക്കും. അടുത്താഴ്ച ചെന്നൈയിലെത്തുന്ന അമിത് ഷാ രജനികാന്തിനെ വീട്ടിലെത്തി കാണും.
ചെന്നൈ വള്ളുവര് കോട്ടത്താണ് ഞായറാഴ്ച നിരാഹാര സമരത്തിന് തുടക്കമിടുന്നത്. തമിഴ്നാടിന്റെ വിവിധ ഇടങ്ങളിലേക്ക് പ്രതിഷേധം വ്യാപിപ്പിക്കും. രജനി മക്കള് മന്ട്രത്തിലെ ഒരു വിഭാഗം നേതാക്കളും ആരാധകരുമാണ് നിരാഹാര സമരത്തിന് പിന്നില്. പ്രതിഷേധത്തില് പങ്കെടുക്കാന് ക്ഷണിച്ച് സമൂഹമാധ്യമങ്ങളില് പ്രചാരണം ശക്തമാണ്.
പൊയസ് ഗാര്ഡനിലെ വസതിക്ക് മുന്നില് ആരാധകരുടെ പ്രതിഷേധം ശക്തമായതോടെ ചെന്നൈ അതിര്ത്തിയിലുള്ള ഫാം ഹൗസിലേക്ക് രജനി കുടുംബത്തോടൊപ്പം മാറി താമസിക്കുകയാണ്. ബൂത്ത് തലത്തില് പ്രതിനിധികളെ തിരഞ്ഞെടുത്ത് താഴെ തട്ടില് പ്രചാരണം തുടങ്ങിയതിന് പിന്നാലെയാണ് രജനികാന്ത് പിന്മാറിയത്. ഗ്രാമീണ മേഖലയില് ഭാവി മുഖ്യമന്ത്രിയെന്ന് വിശേഷിപ്പിച്ച് ആരാധകര് വോട്ട് ചോദിച്ച് തുടങ്ങിയിരുന്നു. മധുരയില് പാര്ട്ടി പ്രഖ്യാപനത്തിന് സ്റ്റേജ് വരെ തയാറാക്കിയിരുന്നു.
https://www.facebook.com/Malayalivartha
