കോവിഡ് മഹാമാരികാലത്തും ഇന്ത്യയില്‍ കൂടുതല്‍ ശതകോടീശ്വരന്മാര്‍ വളരുകയാണ്. ഫാര്‍മ, ഹെല്‍ത്ത് കെയര്‍ മേഖലയിലാണ് ഇപ്പോള്‍ ഏറ്റവും കൂടുതല്‍ ശതകോടീശ്വരന്മാര്‍ ഉയര്‍ന്നുവരുന്നത്. കഴിഞ്ഞ വര്‍ഷം ഈ മേഖലയില്‍ പുതുതായി ഏഴ് ശതകോടീശ്വരന്‍ ഉണ്ടായി. 2020 ല്‍ പുതുതായി 13 പേര്‍ വിവിധ മേഖലകളില്‍ നിന്ന് അതിസമ്ബന്നരുടെ ക്ലബിലേക്ക് പ്രവേശിച്ചു. അതില്‍ ഏഴ് പേര്‍ ഫാര്‍മ, ഹെല്‍ത്ത് കെയര്‍ മേഖലയില്‍ നിന്ന്. മാര്‍ക്കറ്റിലെ ഇടിവ് കാരണം മറ്റു മേഖലകളിലുള്ള അഞ്ച് പേര്‍ പട്ടികയില്‍ നിന്ന് പുറത്തു കടക്കുകയും ചെയ്ത വര്‍ഷമാണ് കടന്നു പോയത്. ഇപ്പോള്‍ ഫാര്‍മ, ഹെല്‍ത്ത് കെയര്‍ മേഖലയില്‍ 17 അതിസമ്ബന്നര്‍ ഉണ്ട് ഇന്ത്യയില്‍. കഴിഞ്ഞ വര്‍ഷം ഇത് പത്ത് പേരായിരുന്നു.

ഇന്ത്യയിലെ ഫാര്‍മ, ഹെല്‍ത്ത് കെയര്‍ മേഖലയിലെ എല്ലാവരുടെയും സമ്ബത്ത് ഒന്നിച്ച് കണക്കുകൂട്ടിയാല്‍ 2020 ഡിസംബര്‍ അവസാനം അത് 4.35 ട്രില്യണ്‍ വരും. മുന്‍ വര്‍ഷത്തേക്കാള്‍ 2.7 ട്രില്യണ്‍ കൂടുതല്‍. ഈ 17 പ്രൊമോട്ടര്‍ കുടുംബങ്ങളുടെ ആസ്തി കോവിഡ് വന്നതിന് ശേഷം 61 ശതമാനം വര്‍ദ്ധിച്ചു. അഥവാ കഴിഞ്ഞ വര്‍ഷത്തെ അവരുടെ ആസ്തിയെക്കാള്‍ 1.65 ട്രില്യണ്‍ കൂടുതല്‍.
മരുന്ന് നിര്‍മ്മാതാക്കള്‍, ആശുപത്രിനടത്തുന്നവര്‍, ഡയഗ്‌നോസ്റ്റിക് കമ്ബനികള്‍, കൂടാതെ ഫാര്‍മ വ്യവസായത്തിനുള്ള അസംസ്‌കൃത വസ്തുക്കള്‍ നിര്‍മ്മിക്കുന്ന കെമിക്കല്‍ കമ്ബനികള്‍ എന്നിവരുടെ ഷെയര്‍ മൂല്യം മഹാമാരിക്കാലത്ത് കുതിച്ചുയര്‍ന്നു.
ഈ കുതിച്ചു കയറ്റവുമായി താരതമ്യപ്പെടുത്തുമ്‌ബോള്‍, ഐടി സാങ്കേതിക വിദ്യാ സേവനദാതാക്കളില്‍ നാല് അതിസമ്ബന്നരുണ്ട്. 2020 അവസാനത്തോടെ ഇവരുടെ മൊത്തം ആസ്തി 4.11 ട്രില്യണ്‍ ആയിരുന്നു. വിപ്രോയുടെ അസിം പ്രേംജിയാണ് പട്ടികയില്‍ ഒന്നാമത് 1.63 ട്രില്യണ്‍. ഈ മേഖലയിലെ എല്ലാവരുടേയും മൊത്തം മൂല്യം 35 ശതമാനം വര്‍ധന രേഖപ്പെടുത്തിയ വര്‍ഷമാണ് 2020, ഏകദേശം 42 ട്രില്യണ്‍. ഐ പി സി എ ലാബിന്റെ പ്രേംചന്ദ് ഗോധയായിരുന്നു ശരവേഗത്തില്‍ കുതിച്ച് ആദ്യമായി ശതകോടീശ്വരന്മാരുടെ ക്ലബില്‍ പ്രവേശിച്ചത്. കഴിഞ്ഞ വര്‍ഷം അവസാനത്തോടെ കമ്ബനിയില്‍ അദ്ദേഹത്തിന്റെ ഓഹരി മൂല്യം 12,805 കോടി രൂപയായിരുന്നു, അതായത്, വര്‍ഷാവര്‍ഷ അടിസ്ഥാനത്തില്‍ 94 ശതമാനം വര്‍ധന. ഇത് അദ്ദേഹത്തെ ലിസ്റ്റ് ചെയ്യപ്പെട്ടവരില്‍ 58ാമത്തെ ഏറ്റവും സമ്ബന്നനായ സംരംഭകനാക്കി മാറ്റി. മുന്‍ വര്‍ഷത്തെ 83ാം റാങ്കില്‍ നിന്നായിരുന്നു ഈ ചാട്ടം.
ഹെല്‍ത്ത് കെയര്‍ മേഖലയില്‍ നിന്നുള്ള മറ്റ്എന്‍ട്രികളില്‍ അപ്പോളോയുടെ പ്രതാപ് സി റെഡ്ഡി ഉള്‍പ്പെടുന്നു (ആസ്തി 10,340 കോടി). മറ്റൊരാള്‍ അജന്ത ഫാര്‍മയുടെ മന്നാലാല്‍ അഗര്‍വാള്‍ (ഏകദേശം 8,500 കോടി). നാറ്റ്‌കോ ഫാര്‍മയുടെ വി സി നന്നപനേനിയുടെ അറ്റവരുമാനം കഴിഞ്ഞ വര്‍ഷം 62 ശതമാനം ഉയര്‍ന്നു (8,570 കോടി).
കെമിക്കല്‍ കമ്ബനികളുടെ സ്‌റ്റോക്കുകളിലെ കുതിച്ചു കയറ്റം ചില സ്ഥാപനങ്ങള്‍ക്ക് ഗുണം ചെയ്തു. അതുലിലെ സുനില്‍ എസ് ലാല്‍ഭായി രാജ്യത്തെ 78ാമത്തെ സമ്ബന്നനായി മാറി. 2020 അവസാനത്തോടെ അദ്ദേഹത്തിന്റെ ആസ്തി 8,550 കോടി രൂപയുടെ മൂല്യം ഉണ്ടാക്കി.
ദിവി ലാബിന്റെ മുരളി ദിവി ഈ രംഗത്തെ വലിയ വിജയം കൈവരിച്ച മറ്റൊരു സംരംഭകനാണ്. അദ്ദേഹത്തിന്റെ മൊത്തം ആസ്തി 53,000 കോടിയാണ്. ലാര്‍ജ് ക്യാപ് കമ്ബനികളുടെ കൂട്ടത്തില്‍ ഏറ്റവും നല്ല പ്രകടനം കാഴ്ചവച്ച കമ്ബനികളില്‍ ഒന്നായിരുന്നു ദിവി. അതോടെ അദ്ദേഹം മുന്‍ വര്‍ഷത്തെ 28 ാം സ്ഥാനത്ത് നിന്ന് 16 ാം സ്ഥാനത്തെത്തി. അരബിന്ദോ ഫാര്‍മയുടെ പി വി ആര്‍ റെഡ്ഡി, കെ എന്‍ റെഡ്ഡി എന്നിവര്‍ 28,000 കോടി ആസ്തിയുമായി 102 ശതമാനം നേട്ടമുണ്ടാക്കി. കാഡില ഹെല്‍ത്ത് കെയറിന്റെ ഷാര്‍വില്‍ പട്ടേല്‍ 37,500 കോടിയുടെ ആസ്തിയു,മായി 89 ശതമാനം വളര്‍ച്ച നേടി. സണ്‍ ഫാര്‍മയുടെ ദിലീപ് ഷാങ്‌വിയാണ് ഇപ്പോഴും ഫാര്‍മ മേഖലയിലെ രാജ്യത്തെ ഒന്നാമന്‍. 81,200 കോടിയുടെ ആസ്തിയുള്ള അദ്ദേഹം 37 ശതമാനം വളര്‍ച്ചയുണ്ടാക്കി. രാജ്യത്തെ അസ്ഥിസമ്ബന്നരില്‍ എട്ടാം സ്ഥാനത്താണ് അദ്ദേഹം. നേരത്തെ പത്താം സ്ഥാനത്തായിരുന്നു.