സുഷമ സ്വരാജിനെ പുറത്താക്കണമെന്ന് ആം ആദ്മി , തെറ്റ് മനസിലാക്കി സുഷമ സ്വരാജ് രാജിവെക്കുകയാണ് വേണ്ടത്
ഐപിഎല് സാമ്പത്തിക ക്രമക്കേടില് അന്വേഷണം നേരിടുന്ന ലളിത് മോദിക്ക് വഴിവിട്ട് സഹായം നല്കി വിവാദത്തിലായ കേന്ദ്ര വിദേശകാര്യമന്ത്രി സുഷമ സ്വരാജിനെ പ്രധാനമന്ത്രി പുറത്താക്കണമെന്ന് ആം ആദ്മി പാര്ട്ടി ആവശ്യപ്പെട്ടു. സംഭവത്തില് തന്റെ തെറ്റ് മനസിലാക്കി സുഷമ സ്വരാജ് രാജിവെക്കുകയാണ് വേണ്ടത്.
ഇതിന് അവര് തയാറാകാത്ത പക്ഷം പ്രധാനമന്ത്രി തന്നെ ഇവരെ മന്ത്രിസഭയില് നിന്ന് പുറത്താക്കണമെന്നും എഎപി ആവശ്യപ്പെട്ടു. സംഭവത്തില് പ്രതിപക്ഷ പാര്ട്ടികളെല്ലാം ബിജെപിക്കെതിരെ തിരിഞ്ഞിരിക്കുകയാണ് സുഷമയുടെ നടപടി അംഗീകരിക്കാനാവുന്നതല്ലെന്നും അവര് രാജിവെക്കണമെന്നുമാണ് പ്രതിപക്ഷ പാര്ട്ടികളെല്ലാം ഒരേസ്വരത്തില് ആവശ്യപ്പെടുന്നത്.
എന്ഫോഴ്സ്മെന്റ് ഡയറക്ടറേറ്റ് നടത്തുന്ന അന്വേഷണത്തിന്റെ ഭാഗമായി ലുക്ക്ഔട്ട് നോട്ടീസ് പുറപ്പെടുവിച്ചിട്ടുള്ള ലളിത് മോദിക്കു വീസ ലഭിക്കാന് ബ്രിട്ടന് എമിഗ്രേഷന് ഓഫീസില് സുഷമ സ്വരാജ് സമ്മര്ദം ചെലുത്തിയെന്നു ബ്രിട്ടനിലെ മാധ്യമങ്ങളാണു വെളിപ്പെടുത്തിയത്. ഇക്കാര്യം സമ്മതിച്ച സുഷമ സ്വരാജ്, മാനുഷിക പരിഗണനയാലാണു കേസില് താന് ഇടപെട്ടതെന്നും മോദിക്കു യാത്രാരേഖകള് നല്കുന്നതില് തങ്ങള്ക്കു വിയോജിപ്പില്ലെന്നും ബ്രിട്ടന്റെ നിയമപ്രകാരം തീരുമാനമെടുക്കാനാണ് അറിയിച്ചത്.
ആരോപണം ശരിവച്ചതോടെ സുഷമയുടെ രാജി ആവശ്യപ്പെട്ടു കോണ്ഗ്രസ് അടക്കമുള്ള പ്രതിപക്ഷം രംഗത്തെത്തിയിരുന്നു. അന്വേഷണം നേരിടുന്നയാള്ക്കു കേന്ദ്രമന്ത്രി വഴിവിട്ടു സഹായങ്ങള് ചെയ്തു കൊടുത്ത കാര്യം പ്രധാനമന്ത്രി നരേന്ദ്ര മോദി പരിശോധിക്കണമെന്നും പ്രതിപക്ഷം ആവശ്യപ്പെട്ടു. സുഷമ സ്വരാജ് വിവാദം സംബന്ധിച്ചു പ്രധാനമന്ത്രിയുമായി ചര്ച്ച നടത്തിയതിനു പിന്നാലെ, സുഷമയ്ക്കു പിന്തുണ പ്രഖ്യാപിച്ച് ബിജെപി അധ്യക്ഷന് അമിത് ഷായും ആഭ്യന്തരമന്ത്രി രാജ്നാഥ് സിംഗും ആര്എസ്എസും രംഗത്തെത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha