അധികാര തര്ക്കം പരിഹാരമില്ല, കേജ്രിവാളും കേന്ദ്ര ആഭ്യന്തരമന്ത്രി രാജ്നാഥ് സിങും തമ്മിലുള്ള കൂടിക്കാഴ്ച പരാജയം
കഴിഞ്ഞ ദിവസം കേന്ദ്ര ആഭ്യന്തരമന്ത്രി രാജ്നാഥ് സിങിനെ സന്ദര്ശിച്ച ഡല്ഹിമുഖ്യമന്ത്രി അരവിന്ദ് കേജ്രിവാള് കേന്ദ്രത്തോട് സര്ക്കാരിന്റെ നിപാടറിയിച്ചു. കേന്ദ്രവും ഡല്ഹി സര്ക്കാരുമായുള്ള അധികാര തര്ക്കം രൂക്ഷമായിരിക്കുന്നതിനിടെയാണ് മുഖ്യമന്ത്രി അരവിന്ദ് കേജ്രിവാളും ഉപമുഖ്യമന്ത്രി മനിഷ് സിസോഡിയയും കേന്ദ്ര ആഭ്യന്തര മന്ത്രി രാജ്നാഥ് സിംഗിനെ സന്ദര്ശിച്ചത്. ലഫ്. ഗവര്ണര് നജീബ് ജംഗുമായി തുടരുന്ന അധികാര തര്ക്കവും ഒരു മണിക്കൂര് നീണ്ട കൂടിക്കാഴ്ചയില് ചര്ച്ചചെയ്തു. ലഫ്. ഗവര്ണറുമായുള്ള പ്രശ്നങ്ങള് പരിഹരിക്കാന് ആഭ്യന്തര മന്ത്രി ഇടപെടണമെന്ന് കേജ്രിവാള് ആവശ്യപ്പെട്ടു.
ചീഫ് സെക്രട്ടറി കഴിഞ്ഞമാസം ആദ്യം പത്ത് ദിവസത്തെ വിദേശയാത്രയ്ക്കായി അവധിയില് പോയതിനെ തുടര്ന്ന് ആക്ടിംഗ് ചീഫ് സെക്രട്ടറിയായി ശകുന്തള ഗാമ്ളിനെ ലഫ്. ഗവര്ണര് നിയമിച്ചതോടെയാണ് സര്ക്കാരും ലഫ്. ഗവര്ണറും തമ്മില് പ്രശ്നങ്ങള് തുടങ്ങിയത്. അതിന് ശേഷം ആദ്യമായാണ് കേജ്രിവാള് ആഭ്യന്തര മന്ത്രിയുമായി കൂടിക്കാഴ്ച നടത്തുന്നത്.
ഡല്ഹിയില് ലഫ്. ഗവര്ണര്ക്കാണ് പൂര്ണ അധികാരം എന്ന് വ്യക്തമാക്കി കേന്ദ്ര ആഭ്യന്തര മന്ത്രാലയം പുറത്തിറക്കിയ വിജ്ഞാപനത്തെ ആം ആദ്മി സര്ക്കാര് കോടതിയില് ചോദ്യം ചെയ്തിരിക്കുകയാണ്. അടുത്തിടെ സംസ്ഥാന സര്ക്കാര് നടത്തിയ എല്ലാ നിയമനങ്ങളും ലഫ്. ഗവര്ണര് റദ്ദാക്കിയിരുന്നു. ഇക്കാര്യങ്ങളും കൂടിക്കാഴ്ചയില് ചര്ച്ചയായി. എന്നാല് കേജ്രിവാളിന്റെ ആവശ്യങ്ങള്ക്ക് വേണ്ട പരിഹാരം കാണാമെന്ന് രാജ്നാഥ് സിംങ് ഉറപ്പുനല്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
