സുഷമാ സ്വാരാജ് രാജിക്കൊരുങ്ങി, ആര്എസ്എസ് തടഞ്ഞു,പിന്തുണയ്ച്ച് കൊണ്ട് ശിവസേന
കേന്ദ്ര വിദേശകാര്യ മന്ത്രി സുഷമാ സ്വരാജ് രാജി സന്നദ്ധത അറിയിച്ചതായി റിപ്പോര്ട്ട്. എന്നാല്, ആര്.എസ്.എസ് നേതൃത്വം സുഷമയുടെ രാജി സന്നദ്ധത തള്ളുകയായിരുന്നു. വിവാദം ഉണ്ടായതു മുതല് തന്നെ കോണ്ഗ്രസുള്പ്പടെയുള്ള പാര്ട്ടികള് സുഷമയുടെ രാജി ആവശ്യപ്പെട്ടിരുന്നു.
ആരോപണം ഉയര്ന്നതിന് പിന്നാലെ സുഷമാ സ്വരാജ് പ്രധാനമന്ത്രിയെ കണ്ട് തന്റെ ഭാഗം വിശദീകരിച്ചിരുന്നു. അപ്പോഴാണ് രാജിക്ക് തയ്യാറാണെന്ന് സുഷമ വ്യക്തമാക്കിയത്. സര്ക്കാരിന് നാണക്കേട് ഉണ്ടാക്കാന് ആഗ്രഹിക്കുന്നില്ലെന്നും അതിനാല് താന് രാജി വയ്ക്കാന് തയ്യാറാണെന്നുമാണ് സുഷമ പ്രധാനമന്ത്രിയോട് പറഞ്ഞത്.
ഇതിന് പിന്നാലെ മുതിര്ന്ന ബി.ജെ.പി ആര്.എസ്.എസ് നേതാക്കള് അടിയന്തരയോഗം ചേരുകയും സുഷമയുടെ രാജിസന്നദ്ധത ചര്ച്ച ചെയ്യുകയും ചെയ്തു. എന്നാല്, സുഷമ തെറ്റൊന്നും ചെയ്തിട്ടില്ലെന്ന നിലപാടാണ് ആര്.എസ്.എസ് സ്വീകരിച്ചത്. മാനുഷിക പരിഗണന കണക്കിലെടുത്ത് ലളിത് മോദിയെ സഹായിച്ചു എന്ന് സുഷമ തന്നെ വ്യക്തമാക്കിയിട്ടുണ്ട്. മാത്രമല്ല, ബ്രിട്ടനിലെ നിയമങ്ങള്ക്ക് അനുസരിച്ച് മാത്രമെ മോദിക്ക് വിസ നല്കാവു എന്നും നിര്ദ്ദേശിച്ചിരുന്നു. ഇതില് നിന്നു തന്നെ സുഷമ നിയമവിധേയമായാണ് പ്രവര്ത്തിച്ചത് എന്ന് വ്യക്തമാണെന്നും ആര്.എസ്.എസ് നേതാക്കള് പറഞ്ഞു. തുടര്ന്നാണ് അവര്ക്ക് പൂര്ണ പിന്തുണ നല്കാന് ബി.ജെ.പിയോട് ആര്.എസ്.എസ് നിര്ദ്ദേശിച്ചത്.
യോഗത്തിന് പിന്നാലെയാണ് സുഷമയെ ശക്തമായി ന്യായീകരിച്ച് ബി.ജെ.പി ദേശീയ അദ്ധ്യക്ഷന് അമിത് ഷാ, ആഭ്യന്തര മന്ത്രി രാജ്നാഥ് സിംഗ്, ആര്.എസ്.എസ് നേതാവ് ഇന്ദ്രേഷ് കുമാര് എന്നിവര് രംഗത്ത് വന്നത്. സുശഷമാ സ്വരാജിനെ പിന്തുണച്ച് ശിവസേനയും രംഗത്തെത്തി. വിദേശകാര്യ മന്ത്രാലയത്തെ അസ്ഥിരപ്പെടുത്താന് അപകടകരമായ നീക്കം നടക്കുകയാണെന്ന് ശിവസേന തങ്ങളുടെ മുഖപത്രമായ സാമ്നയിലെ മുഖപ്രസംഗത്തില് ആരോപിച്ചു. സുഷമാ സ്വരാജുമായി ബന്ധപ്പെട്ട പ്രശ്നത്തില് പ്രധാനമന്ത്രി നരേന്ദ്ര മോദി ഇടപെടണമെന്നും സുഷമയെ അപകീര്ത്തിപ്പെടുത്താനുള്ള ശ്രമങ്ങളെ കുറിച്ച് അന്വേഷിക്കണമെന്നും ശിവസേന ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha